Almatydaǵy Balýan Sholaq atyndaǵy sport saraıynda Sporttyq jekpe-jek jáne kúsh qoldanatyn sport túrleri konfederasııasy kýbogynyń týrnıri barysynda osy jyldyń eń úzdik boksshylary men jattyqtyrýshylary marapattaldy.
Qazaqstan boks federasııasynyń málimetterine sáıkes, Rıo Olımpıadasynyń jeńimpazy Danııar Eleýsinov «Úzdik boksshy» atansa, «Eń úzdik áıel-boksshy» ataǵy bıyl ekinshi márte álem chempıony bolǵan Nazym Qyzaıbaıǵa berildi. Al Sankt-Peterbýrgte jastar arasyndaǵy álem chempıonatynda altyn oljalaǵan Sadrıddın Ahmedov «Eń úzdik jas boksshy» atandy.
Budan bólek, «Úzdik jattyqtyrýshy» Danııar Eleýsinovtiń jeke bapkeri Marat Eleýsinovke berildi. Jastardyń úzdik jattyqtyrýshysy - Ǵalym Kenjebaev. «Úzdik tóreshi» - Rıo Olımpıadasyna qatysqan Natalıa Soı.