Tórtkúl dúnıe kóz tikken «Barselona» men «Real» arasyndaǵy kezdesý 1:1 esebimen aıaqtaldy.
Ispanııa chempıonatynyń 14-týryndaǵy bul kezdesý áýe apatyna ushyraǵan brazılııalyq «Shapekoense» komandasyn eske alýmen bastaldy.
El-Klassıkonyń birinshi taımynda birqatar shabýyldar oryn alǵanmen, esep ashylmady. Al ekinshi 45 mınýtta jankúıerler naǵyz tartysty oıynnyń kýási boldy. 53-mınýtta aıyp dobynan Neımardyń áýele bergen dobyn Lýıs Sýares qaqpaǵa dál baǵyttap, alǵashqy gol soqty. Alań ıeleriniń budan keıin de gol soǵatyn múmkindikteri bolǵan, alaıda sońǵy sátterde sáttilik jetispedi. Esesine kezdesýdiń sońǵy mınýtynda koroldik klýbtyń kapıtany Serhıo Ramos basymen dál soqqy jasap, tarazy basyn teńestirip ketti.
La lıga kestesinde «Real» 34 upaımen kósh bastap keledi.