О́zbekstanda saılaý ýchaskeleri ashylǵannan keıingi úsh saǵattyń ishinde saılaýshylardyń 17 paıyzy daýys berdi, dep habarlaıdy TASS osy eldiń Ortalyq saılaý komıssııasyna silteme jasap.
"Tańǵy saǵat 9:00-ǵa deıin saılaý tizimine engizilgen 20 428 891 azamattyń 17,72 paıyzy, ıaǵnı 3,6 mln adam daýys berdi", delingen OSK habarlamasynda.
Saılaýǵa tórt úmitker qatysýda — О́zbekstannyń lıberaldyq-demokratııalyq partııasy atynan qazir prezıdent mindetin atqarýshy Shavkat Mırzıeev, Halyq -demokratııalyq partııasynan Hatamjon Ketmonov, sosıal-demokrattardan Narıman Omarov jáne demokratııalyq partııadan Sarvar Otamýratov.
RIA Novostıdiń habarlaýynsha, kandıdattar Shavkat Mırzıeev pen Narıman Omarov otbasylarymenmen saılaý ýchaskesine baryp, óz daýystaryn berdi. Saılaýdyń qorytyndysy erteń tańerteń belgili bolday.