Keshe joǵalyp ketken ındonezııalyq M-28 Skytruck ushaǵynyń apatqa ushyraǵany belgili boldy, dep habarlaıdy TASS Sıngapýrdyń Azamattyq avıasııa basqarmasyna silteme jasap.
"Sońǵy sıgnal Tandjýngpınang qalasynan 72 km jerde tirkelgen. P4201 bortymen baılanys jergilikti ýaqytpen saǵat 11:22-de úzildi. Qurban bolǵandar men ushaq qaldyqtaryn tabý úshin Sıngapýr Fokker 50 ushaǵy men Super Puma tikushaǵyn jiberdi", - delingen habarlamada.
Indonezııa da izdeý sharalaryna úsh keme men 2 qaıyq jiberdi. Sońǵy málimetter boıynsha, ushaqtaǵy adamdardyń eshqaısysy tiri qalmaǵan. Ázirge olardyń naqty sany belgisiz, biraq onda shamamen 12-19 adam bolǵan degen boljam bar.
Ushaq Pankalpınang qalasynan Batam araldaryna baǵyt alǵan bolatyn. The Straits Times basylymynyń habarlaýynsha, ushaqtyń qulaýynan buryn kýágerler jarylystyń dybysyn estigen.