Avstrııada jergilikti ýaqyt boıynsha tańǵy saǵat 7:00-de (Astana ýaqytymen saǵat 12:00-de) saılaý ýchaskeleri ashyldy, dep habarlaıdy TASS. Respýblıka boıynsha olardyń jalpy sany 10 myńdy quraıdy jáne 1504-i Venada ornalasqan.
Saılaý ýchaskeleri jergilikti ýaqytpen keshki saǵat 17:00-de jabylady. Qaıtadan ótkizilip jatqan saılaý BAQ tarapynan da erekshe qyzyǵýshylyq týdyryp otyr. Respýblıkanyń IIM habarlaýynsha, arnaıy baspasóz ortalyǵyna 750 jýrnalıst tirkelgen. Onyń 500-i avstrııalyq BAQ ókilderi bolsa, qalǵan 250-i sheteldik jýrnalıster.
Esterińizge sala ketsek, saılaýǵa Aleksander Van der Bellen men Norbert Hofer túsedi. Daýys berý bastalmas buryn eki kandıdat halyqty saılaýǵa belsendi qatysýǵa shaqyrdy.
"Sizderdiń senimderińiz óte qymbat. Men ony saqtap qalamyn. Meniń bolashaq urpaq pen Otanymnyń aldynda jaýapkershiligim bar", dedi Hofer. Al Aleksander Van der Bellen "Aýstrııanyń bolashaǵy úshin birigip kúsh jumsaıyq. Maǵan prezıdent bolýǵa múmkindik berińizder", dedi.