Úndistannyń Amrıtsar qalasynda eldiń premer-mınıstri sheteldik dıplomattardy qabyldady, dep habarlaıdy TASS Úndistannyń Syrtqy ister mınıstri Vıkas Svarýpqa silteme jasap. Mınıstrdiń aıtýynsha, kezdesýge Pákistannan premer mınıstrdiń keńesshisi Sartadj Azız da barǵan.
Keshe Aýǵanstan boıynsha «Ystambul úderisine» qatysýshy elderdiń syrtqy ister mınıstrleriniń 6-shi jıyny sheńberinde "Azııanyń júregi jáne baılanys múmkindikteri" (Heart of Asia and Connectivity) atty halyqaralyq konferensııa bastalǵan bolatyn. Basylymnyń habarlaýynsha, bul konferensııa eki kúnge sozylady.
Jıynnyń birinshi kúni delegattar birlesken otyrys ótkizip, Amrıtsarda ornalasqan qasıetti ǵıbadathanaǵa barǵan.
Buǵan deıin habarlaǵanymyzdaı, konferensııaǵa Úndistannyń premer-mınıstri Narendra Modı men Aýǵanstannyń prezıdenti Ashraf Ganıden basqa 45 memleketten delegattar kelgen. Onyń ishinde «Ystambul úderisine» qatysýshy 14 eldiń (Qazaqstan, Túrkııa, Ázerbaıjan, Qyrǵyzstan, Aýǵanstan, Úndistan, Iran, Qytaı, BAÁ, Pákistan, Reseı, Saýd Arabııasy, Tájikstan,Túrkmenstan) ókilderi bar. Sonymen qatar osy úderisti qoldaıtyn AQSh, Eýroodaq, Ulybrıtanııa, Japonııa sekildi 17 memleket te óz delegattaryn jibergen.
Bir aıta keterligi, bul konferensııa jyl saıyn 2011 jyldan beri ótkizilip kele jatyr. Ol Aýǵanstannyń ekonomıkalyq baılanystaryn damytýǵa, lańkestikpen, ekstremızmmen kúres júrgizýge baǵyttalǵan.