Elimizdiń eńbek sińirgen sport sheberi Álıhan Qaraneev 2016 jylǵy «Erkin pıramıda» bılıard sportynan álem chempıony atandy. Bul týraly Qazaqstannyń bılıard sporty federasııasy habarlady. Sonymen, Qazanda «Erkin pıramıda» bılıard sporty boıynsha ótken álem chempıonaty Qazaqstan úshin tamasha jetestikpen aıaqtaldy. Jarysqa dúnıe júziniń 18 elinen sportshylar qatysty. Quramamyzdyń kóshbasshysy, Almatydan sportshy Álıhan Qaraneev fınalda 7:6 esebimen Ýkraına ókili, halyqaralyq dárejedegi sport sheberi Artýr Pıvchenkony utty. Jarys jolynda ol Vladıslav Osmınındi (Reseı), Iаroslav Tarnoveskııdi (Ýkraına), Nıkıta Lıvadany (Reseı), Sergeı Kryjanovskııdi (Moldova) jeńdi. Qazir Álıhannyń qanjyǵasynda jeke esepte álem chempıonatynda eki, komandalyq esepte álem chempıonatynyń bir júldesi bar.