Qazaqstandaǵy kásipqoı fýtbol lıgasy maýsymnyń úzdik bapkerin atady, dep habarlaıdy Habar24.
Daýys berýshilerdiń basym kópshiligi «Astanany» jattyqtyratyn bolgarııalyq maman Stanımır Stoılovty myqty dep tanyǵan.
Stanımır 83 upaı jınap, top jardy. Ekinshi oryndy 34 ball jınaǵan «Ertistiń» bas bapkeri Dımıtar Dımıtrov enshiledi. Úzdik úshtikte «Qaırattyń» tizginin ustaǵan Kahaber Shadadze de bar.
Stoılov týraly aıtsaq, Stanımır baptaıtyn «Astana» bıyl da Qazaqstan chempıony atandy. Eýropa lıgasynyń toptyq synynda óner kórsetip júr. Aıtpaqshy, «Astana» beısenbi kúni Shveısarııada «Iаng Boızben» kezdesedi.