Astanada otandyq kásipkerlerdiń tól merekesi Indýstrııalandyrý kúnine oraı uıymdastyrylyp, Qazaqstan Respýblıkasynyń Prezıdenti Nursultan Nazarbaevtyń qatysýymen ótip jatqan Jalpyulttyq telekópir barysynda Aqtóbe oblysynda turǵyn úı qurylysyn damytýǵa negizdelgen kásiporyn iske qosyldy. Bul óndiriske 3 mlrd. teńgege jýyq qarjy ınvestısııalanǵan. Sonymen qatar zaýyttan shyqqan ónim qurylystyń ózindik qunyn 15-20 paıyzǵa tómendetedi dep josparlanýda.
Jańadan salynǵan kombınatqa germanııalyq «Wekcenmann» kompanııasynyń úzdik jabdyqtary ornatylǵan. «Úı Qurylysy kombınaty» JShS-nyń quryltaıshysy Núrken Turbaevtyń aıtýynsha, atalǵan kombınat qurylys merzimin eki esege qysqartady. Atap aıtqanda, birinshi kezeńde kásiporyn jylyna 50 myń sharshy metr baspanany turǵyzýǵa múmkindik beredi.
«Bul óndiristi iske qosý óte mańyzdy. Osy oraıda Aqtóbe Qazaqstannyń eń damyǵan megapolısteriniń biri bolýy tıis. Sondyqtan turǵyn úı qurylysyna nazar aýdarylýda jáne osy baǵytqa qarjy bólinip jatyr. Qalanyń janynda jańa shaǵyn aýdan salynyp jatyr. Sonymen qatar buǵan deıin eskertkenimdeı, birtektes, tartymsyz úılerdi emes, sáýletti ári ádemi nysandardy salyńyzdar. Kombınat jumysy tabysty bolýyn tileımin», - dedi Memleket basshysy Nursultan Nazarbaev.