Astanadaǵy memlekettik qyzmet salasyndaǵy О́ńirlik hab atqarýshy komıtet tóraǵasy Alıhan Baımenov pen AQSh-tyń Federaldy Atqarýshy Instıtýty (FEI) dırektory Sıýzan Logan adam resýrstaryn basqarý salasynda aqparat almasyp, yntymaqtastyqty damytý maqsatynda memorandýmǵa qol qoıdy.
Memorandým aýqymynda oqytý, adam resýrstaryn basqarý men memlekettik qyzmette kóshbasshylyqty damytýǵa qatysty saraptamalyq materıaldar, zertteý nátıjeleri jáne basqa da jarııalanymdarmen almasý kózdelgen. Taraptar, sondaı-aq, memlekettik basqarý salasynda birlesken zertteýler jasap, ózara bilim men tájirıbe almasý úshin memlekettik qyzmetkerlerdiń oqytý baǵdarlamalary, semınarlar, kýrstar men trenıngterge qatysýyn qarastyrǵan.
FEI – jetekshi laýazymdaǵy memlekettik qyzmetkerlerdi oqytý men olardyń biliktiligin arttyrý jolymen memlekettik mekemelerdiń qyzmet jaqsartýdy kózdeıtin memlekettik basqarý salasyndaǵy AQSh-tyń federaldy oqytý ortalyǵy.