Alǵyrlar anyqtaldy

«Nazarbaev ortalyǵynda» Tuńǵysh Prezıdent – Elbasy qo­ry men Memlekettik tildi da­mytý qory jarııalaǵan «Kim bilgish?» ıntellektýaldy-ta­nym­dyq oıyny boıynsha joǵary synyptar arasynda ótken respýblıkalyq onlaın-týr­nırdiń qorytyndysy shyǵa­ryldy. Jobanyń maqsaty – daryndy balalardy anyqtaý, oqýshylardyń tanymdyq qabi­letterin yntalandyrý, pándik bilimderin tereńdetý, ǵylymǵa degen qyzyǵýshylyǵyn arttyrý, bilimdi nasıhattaý, ın­tellektýal­dy múmkindikterin damytýǵa at­salysý, oqýshy­lar­dyń bos ýa­qy­tyn tıimdi ó­tkizýge yqpal etý. «Kim bilgish?» oıyny sport, HH ǵasyr, HHI ǵasyr, álem, óner, Qazaqstan tarıhy, Qazaqstan tabıǵaty, densaýlyq, ǵylym taqy­ryptaryndaǵy 20 myńnan astam suraqtar jınastyrylǵan mobıldi qosymshadan turady.  «Kim bilgish?» ıntellektýaldy oıyny qatysýshylar ara­syndaǵy saıys túrinde ótti. Oıynshylar alty kezeń boıy túrli sanattaǵy suraqtarǵa jaý­ap berdi. Oıyn jeńimpazy du­rys jaýaptar sany boıyn­sha anyqtaldy. Týrnır oıynshynyń tańdaýymen qazaq nemese orys tilinde ótkizildi», deıdi uıymdastyrýshylar. Osylaısha, qazaq tilinde ótken saıysta 1-oryndy Shymkent qalasynan kelgen Nazarbaev zııat­kerlik mektebiniń  9-synyp oqýshysy Ernur Aqjol jeńip aldy.  Al 2-orynǵa Aqtóbe oblysy, Temir aýdany, Keńqııa orta mektebiniń 9-synyp oqýshysy Ernaz Baıbaqty laıyq dep tanyldy. Júldeli 3-orynǵa Shymkent qalasy Nazarbaev zııat­­kerlik mektebiniń 9-synyp oqýshysy Elaman Lesov ıe boldy. Al orystildi oıynshylardan 1-oryndy Pavlodar oblysy, Aqsý qalasy №14 orta mektebiniń 9-synyp oqýshysy Danıl Korchagın qanjyǵalady. Semeı qalasynan kelgen Innovasııalyq bilim lıseıiniń 11-synyp oqýshysy Qaıdar Keńesbaev 2-oryndy enshiledi. Pavlodar oblysy, Aqsý qalasy №14 orta mekteptiń 9-synyp oqýshysy Ilıa Karepov úshinshi oryndy qanaǵat tutty. Júldegerler dıplomdarmen jáne baǵaly syı­lyqtar­men marapattaldy. Shara sońyn­da jeńimpazdar týrnırdi uıym­dastyrýshylarǵa alǵys aıtyp, kelesi jylǵy jazǵy demalysta josparlanǵan ekinshi týrnırge qatysýǵa nıetterin bildirdi. Uıymdastyrýshylardyń aıtýynsha, 2017 jyly «Kim bilgish?» oıyny baǵdarlamasyna aǵylshyn tili de engizilmek. Raýan QAIDAR, «Egemen Qazaqstan»