Ústimizdegi jylǵy 4 jeltoqsanda О́zbekstan Respýblıkasynyń prezıdentin saılaý boldy, bul saılaý halyqaralyq qoǵamdastyq tarapynan zor qyzyǵýshylyq týǵyzdy, dep habarlady Qazaqstan Respýblıkasy Ortalyq saılaý komıssııasynyń baspasóz qyzmeti.
Saılaýǵa EQYU-nyń Demokratııalyq ınstıtýttar jáne adam quqyqtary jónindegi bıýrosynan, Táýelsiz Memleketter Dostastyǵynan, Shanhaı yntymaqtastyq uıymynan, Dúnıejúzilik saılaý organdarynyń qaýymdastyǵynan jáne Islam Yntymaqtastyǵy Uıymynan, sondaı-aq 46 memleketten 548 halyqaralyq baıqaýshy akkredıtteldi.
59 baıqaýshydan turǵan qazaqstandyq delegasııa, onyń ishinde Ortalyq saılaý komıssııasynyń tóraǵasy B.Imashev, Komıssııa múshesi M.Sársembaev, Parlament Májilisiniń depýtattary F.Karataev, K.Erjan jáne Qazaqstan óńirleriniń ókilderi, eń kóp quramdy delegasııalardyń biri boldy.
Qazaqstandyq baıqaýshylar О́zbekstan astanasymen qatar, óńirlerinde de prezıdenttik saılaýdy baıqaýǵa belsendi qatysty, saılaýdyń joǵary deńgeıde uıymdastyrylǵanyn, ýchaskelik saılaý komıssııalarynyń biliktiligin, saılaý prosesiniń ashyqtyǵy men aıqyndyǵyn atap ótti.