Astana qalasynyń qazynasyna alǵash ret 1 trıllıonnan astam teńge jınaldy, dep habarlaıdy Elordalyq memlekettik kirister Departamentiniń baspasóz qyzmeti.
«Memlekettik kirister departamentiniń úsh qurylymdyq qyzmettiń (keden, salyq jáne ekonomıkalyq tergeý) úılesimdi jumystarynyń arqasynda múmkin boldy» – dedi MKD basshysynyń m.a. A.Imanǵojın.
Ákimshilendirý, salyq jáne keden baǵyttary boıynsha jumys júrgizý jaqsaryp, kóleńkeli ekonomıkaǵa qarsy is qımyl maqsatty júıeli júrgizilýde. «EKSPO-2017» qarsańynda kóleńkeli aınalymdy qysqartýda Departamentpen baqylaý men aldyn alý is-sharalary aýqymdy deńgeıde qolǵa alyndy.
Elordanyń barlyq aýdan ortalyqtarynda salyqtyq qyzmet kórsetý jańǵyrtylýda, Qazaqstanda alǵash ret ashylǵan kólik-logıstıkalyq ortalyǵy, halyqqa jáne bıznes ókilderine memlekettik qyzmet kórsetýde kedendik resimdeý sapasyn aıtarlyqtaı jaqsartýǵa jáne merzimin qysqartýǵa múmkindik berdi.
Memleketimizdiń táýelsizdigine 25-jyldyǵy qarsańyna oraı atalǵan nátıjege Departament ujymynyń qajyrly eńbeginiń arqasynda qol jetkizildi.