Rezıdentterdiń depozıttik uıymdardaǵy depozıtteriniń jalpy kólemi 2016 jylǵy qazanda 0,7%-ǵa ósti, dep habarlaıdy Ulttyq bank.
Zańdy tulǵalardyń depozıtteri azdap tómendedi jáne 10 423,6 mlrd. teńge (jyl basynan beri ósim 13,6%) boldy, jeke tulǵalardyń depozıtteri 7 330,5 mlrd. teńgege deıin 1,8%-ǵa ósti (jyl basynan beri 7,9%-ǵa ósti).
Bir aıda ulttyq valıýtadaǵy depozıtter 6,8%-ǵa 7 857,8 mlrd. teńgege deıin (zańdy tulǵalardyki – 6,7%-ǵa, jeke tulǵalardyki – 7,1%-ǵa ósti) ósti, shetel valıýtasyndaǵy – 3,6%- ǵa 9 896,3 mlrd. teńgege deıin (zańdy tulǵalardyki – 1,3%-ǵa, jeke tulǵalardyki – 0,9%-ǵa) tómendedi. Teńgemen depozıtterdiń úles salmaǵy bir aıda 41,7%-dan 44,3%-ǵa deıin ulǵaıdy. Jeke tulǵalardyń teńgemen depozıtteriniń úlesi bir aıda 33,4%-dan 35,1%-ǵa deıin ósti.
Rezıdentterdiń depozıttik uıymdardaǵy depozıtteriniń jalpy kólemi 2016 jylǵy 1 qarashadaǵy jaǵdaı boıynsha 2016 jyldyń basynan bastap 11,2%-ǵa ulǵaıyp, 17 754,1 mlrd. teńge boldy.
Ulttyq valıýtamen depozıtter 2016 jyldyń basynan bastap 7 857,8 mlrd. teńge deıin 58,7%-ǵa ulǵaıdy, shetel valıýtasymen – 9 896,3 mlrd. teńgege deıin 10,2%-ǵa tómendedi. Teńgemen depozıtterdiń úles salmaǵy 2016 jylǵy qazannyń sońynda 44,3% boldy.
Halyqtyń bankterdegi salymdary (beırezıdentterdi qosa alǵanda) 2016 jyldyń basynan bastap 7 390,7 mlrd. teńgege deıin 7,4%-ǵa ulǵaıdy.
2016 jylǵy qazanda banktik emes zańdy tulǵalardyń ulttyq valıýtadaǵy merzimdi depozıtteri boıynsha ortasha alynǵan syıaqy mólsherlemesi 10,8% (2015 jylǵy jeltoqsanda – 20,1%), jeke tulǵalardyń depozıtteri boıynsha – 12,2% (8,5%) deńgeıinde qalyptasty.