Búgin QR Premer-Mınıstriniń orynbasary – Aýyl sharýashylyǵy mınıstri A.I. Myrzahmetov QR Parlament Májilisiniń plenarlyq otyrysynda «Qazaqstan Respýblıkasynyń keıbir zańnamalyq aktilerine ósimdikter jáne janýarlar dúnıesi máseleleri boıynsha ózgerister men tolyqtyrýlar engizý týraly» Zań jobasyn tanystyra otyryp, depýtattardyń balyq sharýashylyǵy boıynsha birqatar saýaldaryna jaýap berdi, dep habarlaıdy Aýyl sharýashylyq mınıstrligi.
Halyq qalaýlylaryn áýesqoı balyq aýlaýshylardyń ruqsat etilmegen sý qoımalarynda balyq aýlaýy máseleleri qyzyqtyrdy.
«Atalǵan másele el azamattarynyń basym bóligine qatysty. Iаǵnı, sý aıdyndary mańyndy tirshilik keship jatqan jáne negizgi azyǵy balyq bolyp otyrǵan azamattar toptarynyń múddesin qamtıdy», – dedi A.Myrzahmetov.
Vıse-Premerdiń aıtýynsha, jeke kásipkerlik sýbektisi bolyp otyrǵan qoldanýshylar balyq kólemi úshin qarjy tóleı otyryp, belgili bir joldamalar berýge qaqyly. Budan bólek, olar kelisimshart mindettemelerin oryndaýǵa da aqsha shyǵarady. Sondyqtan da, bul máselege túsinistikpen qaraý kerek.
QR AShM qoldanýshylar arasynda túsindirý jumystaryn júrgizýde. Atap aıtqanda, sý qoımalarynyń jaǵalaýlary mańyndaǵy eldi meken turǵyndarmen yntymaqtastyqta bolyp, olardyń muń-muqtajyna atsalysýǵa shaqyrady. О́z kezeginde, keıbir qoldanýshylar turǵyndarǵa tegin joldamalar berip, jekelegen tulǵalarǵa balyq aýlaýǵa ruqsat beredi.
«Taǵy bir aıta keterlik jaıt – bekitilgen sý toǵandarynda áýesqoı balyq aýlaýshylarǵa 5 kg deıin tegin jáne bul úshin ruqsat alý kerek emes», – dedi A.Myrzahmetov.