16 qarasha kúni S1 jáne S2 pavılondarynyń arasyndaǵy dekoratıvtik konstrýksııanyń qulaǵandyǵy belgili. Qurylym tek dekoratıvti bolǵandyqtan, eshqandaı fýnksıonaldyq qyzmetti atqarmady. Qosylǵan pavılondarǵa eshqandaı zııan keltirilmegen, dep habarlaıdy "Astana "EKSPO-2017" ulttyq kompanııasynyń baspasóz qyzmeti.
«Astana EKSPO-2017» ulttyq kompanııasynyń Basqarma Tóraǵasynyń orynbasary V.Lıýtovtyń basqarýymen arnaıy komıssııa quryldy. Komıssııa buzylý sebebin anyqtaý úshin táýelsiz sarapshy kompanııalar «KazNIISA» men «KazMIR» tartyldy.
Búgin biz sarapshylardyń zertteý nátıjeleri belgili boldy. Olar qurylys barysynda paıdalanylǵan materıaldardyń analızin jasady, dekoratıvtik konstrýksııanyń qurylysy men jobalyq jumystar zertteldi.
Nátıjesinde komıssııa konstrýksııanyń qulaýyna jobalyq kemshilikter sebep boldy degen sheshimge keldi. Atap aıtsaq, másele dál osy dekoratıvtik konstrýksııanyń jobalaýynda qateler ketken. Bul tek osy qurylym konstrýksııasynyń jobalaýynda ketken qatelikter. Jobalaýdy júzege asyrǵan sýbmerdiger kompanııa – «EMK» JShS (dırektory Vaınshteın M.M.)
Kórme keshenin tapsyrys berýshi qabyldap almaǵandyqtan dekoratıvtik konstrýksııanyń barlyq shyǵynyn merdiger kompanııa - BI GROUP pen jobalaýshy kompanııa kóteredi.
Jalpy, kórme kesheninde mundaı 8 dekaratıvti konstrýksııa bar. 16 qarasha kúni bolǵan oqıǵadan keıin olardyń barlyǵy muqııat tekseristen ótti. Qurylys ne jobalyq aqaýlar tabylmady. Dese de, konstýrksııalardy kúsheıtý baǵytynda qosymsha jumystar jasaý boıynsha sheshim qabyldandy.