Qazaqstandyqtar ómiriniń qaýipsizdigi jyl saıyn jaqsaryp keledi. Bul týraly Parlament Májilisiniń jalpy otyrysynda «Qazaqstan Respýblıkasy Táýelsizdiginiń 25 jyldyǵyna baılanysty raqymshylyq jasaý týraly» QR Zańynyń jobasy boıynsha baıandama jasaǵan QR Bas prokýrory Jaqyp Asanov málimdedi.
«Búginde barlyq aqparat ashyq. Ony alý da, taratý da qıyn emes. Árbir qylmys ınternet arqyly dereý tarap, búkil el talqylap jatady. Al buryn bári basqasha bolatyn. Aqparat quraldary tek jaǵymdy aqparat beretin. Bir sózben aıtqanda, qazaqstandyqtar ómiriniń qaýipsizdigi jyl saıyn jaqsaryp keledi»,-dep atap ótti Bas prokýror.
Ol sondaı-aq, raqymshylyqtyń qylmystyq ahýalǵa áseri jóninde de aıtyp ótti.
«Bul raqymshylyq qoǵam qaýipsizdigine, qylmystyq ahýalǵa keri áserin tıgizbeıdi. Sebebi, ol qaýip tóndirmeıtinderdi, áleýmettik álsizderdi ǵana jazadan bosatady», - J.Asanov.