2016 jyldyń 8 jeltoqsanynda, saǵat 16.00-de Qazaqstan Respýblıkasy Tuńǵysh Prezıdentiniń Mýzeıinde Ulttyq Olımpıada komıtetiniń 25-jyldyǵyna arnalǵan sýretshiler arasynda ótkizilgen baıqaýdyń qorytyndysy shyǵarylady.
Baıqaý 7 aı boıy jalǵasyp, elimizdiń kásibı sýretshileriniń 20 astam jumystaryn jınady. Baıqaýdyń sharty boıynsha keskindemede Olımpızmniń ıdeologııasyn aıqyndap, qazaqstandyq sporttyń 25 jylda jetken jetistikterin kórsetý qajet boldy.
Jalpy júlde qory - 10 mln teńge. Onyń ishinde 1-shi oryn úshin 5 mln, 2-shi orynǵa 3 mln, 3-shi oryn 1 mln. tenge alady.
Sarapshylar komıssııasynyń quramyna Qazaqstan Respýblıkasynyń Ulttyq Olımpıada komıtetiniń Bas hatshysy Danııar Abýlgazın, Kórkemdik synshy Ardaq Iýsýpova, Qazaqstannyń sýretshiler odaǵynyń Múshesi Seısenhan Mahambetov jáne Olımpıada chempıony Serik Sápıev kirgen.
Álemdik sporttyq jetistikter – bul memleketti dúnıejúzine tanytatyn, halyq arasynda patrıotızmdi damytatyn faktorlardyń biri bolyp tabylady. Olımpıadalyq jetistikter adamdardy jigerlendirip, júrekterine maqtanysh sezimin uıalatady. Ulttyq týymyz kókke kóterilip, memlekettik ánuran oryndalǵan kezde Qazaqstannyń ár azamaty óz Otanymen jáne otandastarymen maqtanady.