Qyzmet kórsetýge jańasha kózqaras

Buǵan deıin jergilikti atqarýshy organ­nyń quzyrynda bolǵan halyqqa qyzmet kórsetý ortalyqtary osy jyldyń naýryz aıynda Úkimet qaýlysymen Baılanys jáne aqparat mınıstrliginiń baqylaýyna berilgen bolatyn. Osy maqsatta mınıstrlik janynan HQKO jumysyn úılestirý jáne memlekettik qyzmet­terdi avtomattandyrýdy baqylaý jóninde komıtet quryldy. Komıtetke júktelgen negizgi mindetter aqpa­rattandyrý salasynda memlekettik saıa­satty júzege asyrý, memlekettik qyzmet­terdi avtomattandyrý, memlekettik qyzmet­terdi avtomattandyrýda memlekettik organdar men jergilikti atqarýshy organdardyń qyzmetin baqylaý, zańdy jáne jeke tul­ǵalarǵa memlekettik qyzmet kórsetýlerdi usynýda, onyń ishinde elektrondy nusqada, halyqqa qyzmet kórsetý ortalyqtarynyń qyzmetin úılestirý bolyp tabylady. Mınıstrlik halyqqa qyzmet kórsetý or­ta­lyqtarynda «bir tereze» qaǵıdasy boıyn­sha usynylatyn qyzmet túrlerin jetildirý, áleýmettik mańyzdaǵy jáne halyq arasynda úlken suranysqa ıe qyzmet túrlerin avtomattandyrý jumystaryn júr­gizýdi josparlap otyr. Bul isti júzege asyrýǵa Almaty qalasy Túrksib aýdanynyń halyqqa qyzmet kórsetý ortalyǵy barynsha atsalysýda. Baılanys jáne aqparat mınıstrligi halyqqa qyzmet kórsetý ortalyǵynda kezekke turýǵa call-ortalyǵy nemese ınternet arqyly brondaý júıesin engizýde. Iаǵnı 1414 telefonyna qońyraý shalý arqyly turǵyndar call-ortalyǵynyń operatorlary­nan «Elektrondy úkimet» jumysymen qatar, halyqqa qyzmet kórsetý ortalyq­tarynyń jumysy týraly da aqparattyq keńes ala alady. Buǵan qosa memlekettik ótemaqy­lardy «Elektrondy úkimettiń» tólem shlıýzi nemese bank kartochkasy arqyly tóleýge múmkindik týady. Ońtaılandyrý jumysyn júzege asyrýda baǵalaý júıesi boıynsha joǵary sanatty mamandardy jumysqa tartý, qyzmetkerlerdi oqytý, bıznes júıelerin iske asyrý jáne avtomattandyrý jolymen halyqqa qyzmet kórsetý ortalyqtary qyz­metinde kórinis tapqan sybaılas jemqorlyq deńgeıin azaıtý máseleleri de basty nazarda bolady. «Elektrondy úkimet» baǵdarlamasyn qalyptastyrý jáne damytý sheńberinde júzege asyrylyp otyrǵan elektrondy-sandyq qoltańbamen úıde ınternet júıesi arqyly kez kelgen jyljymaıtyn múlikke qatysty anyqtama alýǵa bolady. Bul is Úkimettiń www.egov.kz saıty arqyly júzege asyrylady. Elektrondy anyqtama­lardy alý úshin Ulttyq kýálandyrý ortalyǵy talaptaryn saqtaı otyra tirkelip, elektrondy-sandyq qoltańba alý qajet. www.egov.kz Úkimet saıtynda, «Elektron­dy qyzmetter» bóliminde tirkelgennen nemese tirkeý rastalǵannan keıin aty-jóni, jeke kýáliktiń derekteri, zańdy tulǵanyń ataýy, JSN, qyzmet túri, jyljymaıtyn múlik nysanynyń túri týraly málimetter tizimin kórsete otyryp, saýal jiberý kerek. Saýal túskennen keıin, 5-10 mınýttyń ishinde tirkeýshi organ ótinish berýshiniń saýaly negizinde «Jyljymaıtyn múlik tirkelimi» memlekettik derekqorynan elektrondy túrde málimet usynady. Eger de ótinish bildirýshi «Jyljymaıtyn múlik tirkelimi» memlekettik derekqorynan málimetti alý úshin HQKO-ǵa nemese tirkeýshi organǵa júginetin bolsa, daıyn elektrondy qujat qaǵaz júzinde basylyp beriledi. Elektron­dy aqparattyq qyzmet túrleri nysanyn­daǵy derekter qyzmet túri kórsetilgen sátke jaramdy bolyp tabylady Ol úshin halyqqa qyzmet kórsetý ortalyǵynan nemese Ulttyq kýálandyrý ortalyǵynyń www.pki.gov.kz saıty arqyly ESQ alýǵa ótinim jasaýǵa jáne elektrondy poshta arqyly ESQ kiltterin alýǵa bolady. Búgingi kúni «Elektrondy úkimettiń» portaly arqyly shaǵyn kásipkerlik sýbektisi bolyp tabylatyn jáne qalypty jarǵy negizinde óz isin júrgizip otyrǵan zańdy tulǵany tirkeýge bolady. Atalǵan qyzmet avtomattandyrylǵan. «Elektrondy úkimet» zańdy tulǵalardy tirkeýde ońtaıly jaǵdaı jasaýda. Bul óz isin jańadan bastaǵaly turǵan kásipkerlerge operatıvti túrde óz kásibin tirkeýge múmkindik beredi. Zańdy tulǵanyń memlekettik tirkeýge turǵany týraly kýálikti 1 kúnniń ishinde alýǵa bolady. «Elektrondy úkimet» porta­ly arqyly ótinim berýge birer mıný­tyńyzdy jumsaısyz. О́tinimdi toltyrý kezinde jyljymaıtyn múlikti tańdaısyz, toltyrylǵan meken-jaı keıin tirkelgen kompanııanyń zańdy meken-jaıy bolyp esepteledi. Jyljymaıtyn múlik avtomat­ty túrde MDQ-daǵy Jyljymaıtyn múlik tirkeliminen tekseriledi. Eger jyljymaı­tyn múlik kompanııa basshysynyń nemese quryltaıshysynyń jeke menshigi bolyp eseptelse, birinshi kezekte, jyljymaıtyn múlik týraly suranym joldaý kerek. Budan keıin, ótinimde zańdy tulǵanyń barlyq rekvızıtteri (ataýy, kásip túri, shtaty, jarǵylyq kapıtaly) kórsetiledi. Tirkeý kýáligin tirkeýshi organnan alasyz. Qazirgi ýaqytta bul qyzmet túri elektrondy nusqada barlyq tulǵalar úshin kórsetiledi. Baılanys jáne aqparat mınıstrligi jyldyń sońyna deıin suranysqa ıe memlekettik qyzmet kórsetý úderisterin taldap, ońtaılandyrýdyń is-sharalaryn ázirleýde. Kezekte jer ýchaskesine jeke menshik quqyq berý aktisi, sottalmaǵandyǵy jónindegi anyqtama, áskerı esepke alý jáne shyǵarý, balabaqshaǵa balalardy tirkeý, jyljy­maıtyn múlikke tehpasport berý jáne t.b. qyzmet túrleri bar. Jaqyn arada ortalyq jumysyn avto­mat­­tandyrý arqyly azamattarǵa qujat berý isi barynsha jeńildetiledi. Osylaısha, aǵymdaǵy jyldyń aıaǵyna deıin turǵyndar­dy tirkeý, jeke kýálikter men tólqu­jattardy berý qyzmetteri ońtaılandyry­lyp, ortalyq ǵımarattaryndaǵy uzyn-sonar kezekterdi azaıtý úshin telefon nemese ınternet jelisi arqyly kezekti brondaý qyzmeti engiziletin bolady. Sondaı-aq memlekettik tólemderdi «Elektrondy úkimet» nemese banktiń tólem kartochkasy arqyly jasaý kózdelgen. Orazhan О́KSIKBAEV, Almaty qalasy Túrksib aýdandyq halyqqa qyzmet kórsetý ortalyǵynyń  dırektory.