Úkimet 2029 jylǵa qaraı 400 mlrd dollar jıyntyq ınvestısııa tartý arqyly ekonomıkalyq ósýdiń jańa modeline kóshýdi qamtamasyz etedi. Bul týraly Úkimet otyrysynda Premer-mınıstrdiń orynbasary – ulttyq ekonomıka mınıstri Serik Jumanǵarın baıandady, dep jazady Egemen.kz.
Qasym-Jomart Toqaev: Alataý qalasy jańa ınvestısııalyq kezeńniń negizgi jobasy bolýǵa tıis
Búginde memleket ınvestor shaqyrýmen ǵana shektelmeı, ekonomıkalyq ósýdiń proaktıvti saıasatyn engizýge kóshti. Endigi kezekte Úkimet jergilikti bıznestiń suranysyna saı «ınvestısııaǵa tapsyrys» qalyptastyryp, jańa óndiristerdi óristetý úshin daıyn tehnologııalary bar sheteldik seriktesterdi tartýdy qolǵa alady. «Bul saıasattyń máni – memlekettiń tek ınvestorlardy shaqyrýymen ǵana shekteletin modelden naqty ınvestısııalyq jobalardy qalyptastyrý men iske qosýǵa memlekettiń belsendi qatysýy modeline kóshý. Investısııa tartýdyń bul tásili ekonomıka salalarynyń naqty qajettilikterine baǵyttalǵan. Atalǵan jobalardy júzege asyrý eldegi eńbek ónimdiliginiń ortasha deńgeıin arttyrady, bul «orta tabys tuzaǵyn» eńserý jáne jan basyna shaqqandaǵy jalpy ishki ónimniń odan ári ósý úshin qajet negizgi sharttardyń biri», dedi Serik Jumanǵarın.Jańa óndiristik nysandarǵa qansha ınvestısııa tartylady?