Batys Qazaqstan oblysynda jazǵy saýyqtyrý maýsymy qarsańynda júrgizilgen tekserý barysynda balalar lagerlerinde jumys isteýge nıet bildirgen birneshe adamnyń buryn sottalǵany anyqtaldy. Polısııa málimetinshe, olardyń qujattary tıisti sheshim qabyldaý úshin ýákiletti organdarǵa joldanǵan, dep habarlaıdy Egemen.kz.
Batys Qazaqstan oblysynda balalardyń jazǵy demalysyn uıymdastyratyn mekemelerdiń qyzmetkerlerin tekserý kezinde birqatar zań buzýshylyqtar anyqtaldy.
Polısııa qyzmetkerleri bilim basqarmasy usynǵan qyzmetkerler tizimin zerdeleý nátıjesinde segiz adamnyń buryn qylmystyq jaýapkershilikke tartylǵanyn anyqtaǵan. Sonymen qatar taǵy bes adamnyń ákimshilik quqyq buzýshylyq jasaǵany belgili boldy.
Atalǵan materıaldar zańǵa sáıkes shara qabyldaý úshin quzyrly organdarǵa jiberildi.
Elimizde balalar lagerlerine qandaı talaptar engizildi?
BQO polısııa departamenti qoǵamdyq qaýipsizdik basqarmasynyń aǵa ınspektory Alısher Ýtegenovniń aıtýynsha, tekserý lagerler jumysyn bastamaı turyp júrgizilgen.
Onyń sózinshe, bilim basqarmasy usynǵan tizimder negizinde qyzmetkerlerdiń qylmystyq jáne ákimshilik jaýapkershilikke qatysy bar-joǵy mindetti túrde tekseriledi.
Bıyl óńirde 16 qala syrtyndaǵy lager, 500 mektep janyndaǵy demalys alańy jáne 7 shatyrly lager balalardy qabyldaı bastady.
Lısenzııasy joq lagerler jabyla ma?
Polısııa departamenti balalardyń qaýipsizdigi vedomstvo basshylyǵynyń erekshe baqylaýynda ekenin atap ótti.