Almaty áýejaıynan taǵy bir halyqaralyq reıs iske qosyldy. Endi el turǵyndary Almatydan Gonkongke tikeleı usha alady, dep habarlaıdy Egemen.kz.
Bul týraly Premer-mınıstr Oljas Bektenov pen Gonkong Arnaıy ákimshilik aýdanynyń Basshysy Djon Lımen kezdesýi barysynda aıtyldy.
Josparǵa sáıkes, 2027 jyldyń birinshi toqsanynan bastap Cathay Pacific áýe kompanııasy Almaty men Gonkong arasyndaǵy tikeleı reısterdi iske qosýdy kózdep otyr. Reıster Airbus A330-300 keń fıýzelıajdy ushaqtarymen aptasyna úsh ret oryndalady.
Aıta keteıik, Cathay Pacific – Gonkongtyń flagmandyq áýe kompanııasy. Ol Gonkong halyqaralyq áýejaıynda bazalanyp, álemniń 200-den astam baǵytyna jolaýshylar jáne júk tasymalyn oryndaıdy.
31 shildeden bastap Almatydan Izmırge tikeleı reıster ashylady
Eske sala keteıik, buǵan deıin Prezıdent Gonkong Ákimshiliginiń Basshysy Djon Lımen kezdesti. Osydan soń Qazaqstan Respýblıkasy Premer-mınıstriniń orynbasary – Ulttyq ekonomıka mınıstri Serik Jumanǵarın Gonkong ákimshiliginiń basshysymen kelissózder ótkizdi. Kelissózder aıasynda Qazaqstan Gonkongqa quny 100 mlrd dollardan asatyn jobalardy usyndy.