UBT tapsyrý kezinde quqyqtary buzylǵan talapkerler komplaens qyzmetine júgine alady. Bul týraly Ulttyq testileý ortalyǵy málimdedi, dep habarlaıdy Egemen.kz.
Ortalyq málimetinshe, testileý pýnktterinde qaýipsizdik pen baqylaýdyń birneshe deńgeıli júıesi engizilgen. Emtıhannyń ashyq ári ádil ótýin qamtamasyz etý maqsatynda kireberisterde metall izdegishter men tulǵany taný júıesi qoldanylady. Aýdıtorııalarda emtıhan barysy úzdiksiz beınebaqylaýǵa jazylady.
Testileý aıaqtalǵannan soń beınebaqylaý jazbalary alty aı boıy jan-jaqty qaralady.
«Talapkerlermen qatar ortalyq qyzmetkerleri de tekseriledi. Zańsyz kómek kórsetken nemese erejeni buzǵan qyzmetkerlerge qatań shara qoldanylady. Qajet bolǵan jaǵdaıda materıaldar quqyq qorǵaý organdaryna jiberiledi», dedi ortalyqtyń komplaens ofıseri Ǵalymjan Muhamedııarov.
Bıyl UBT tapsyrýǵa 239 myńnan astam talapker tirkeldi
Eske salaıyq, bıyl UBT-ǵa qatysý úshin shamamen 240 myń talapker tirkelip, eki márte test tapsyrý múmkindigimen 446 myńnan astam ótinish berilgen. Al 10 mamyrdan beri elimizde 139 myńǵa jýyq túlek Ulttyq biryńǵaı testileýin tapsyryp, onyń 115-i tártip buzǵany úshin aýdıtorııadan shyǵarylǵan.