«Otbasy bank» salymshylaryna tıesili memlekettik syılyqaqy bıyl da tolyq kólemde tólenbek. Qarjy vıse-mınıstri Dáýren Temirbekov memlekettiń bul baǵyttaǵy barlyq mindettemeleri ózgerissiz oryndalatynyn rastady. Bıýdjet qarajaty esebinen bólinetin ústeme qarjy salymshylardyń shottaryna bıylǵy jyldyń 1 naýryzynda aýdarylady, dep habarlaıdy Egemen.kz.
Syılyqaqy mólsheri – jınaqtalǵan somanyń 20%-yn quraıdy. Alaıda esepteý 200 aılyq eseptik kórsetkishke (AEK) deıingi somaǵa ǵana júrgiziledi. Eger odan kóp qarajat jınalsa, artyq bóligine ústeme eseptelmeıdi.
Mysaly, ótken jyly salymshy 786 400 teńge (200 AEK) jınasa, oǵan 157 280 teńge kóleminde memlekettik syılyqaqy esepteledi.
«Otbasy bank» zeınetaqy qarjysyna kóz emdeýge tyıym saldy
Syılyaqy alýdyń negizgi sharttary:
Eger 200 AEK-ten az jınasańyz, 20% tek naqty jınalǵan somaǵa esepteledi;
Jyl boıy depozıt tolyqtyrylmaǵan jaǵdaıda syılyqaqy berilmeıdi;
Bir adamnyń birneshe depozıti bolsa, syılyqaqy tek bir ǵana shotqa aýdarylady.
Depozıt turaqty túrde tolyqtyrylyp otyrsa, baǵalaý kórsetkishi (BK) ósedi. Al bul kórsetkish neǵurlym joǵary bolsa, salymshynyń jyldyq mólsherlemesi 3,5-5% aralyǵyndaǵy turǵyn úı qaryzyna qol jetkizý múmkindigi soǵurlym artady. Biraq mundaı nesıe alý úshin depozıt merzimi keminde 3 jyl bolýy kerek.
Oblıgasııa álde depozıt: Jınaqty qaıda saqtaǵan tıimdi?
Aıta keteıik, buǵan deıin bıýdjetke túsetin júktemeni azaıtý úshin memlekettik syılyqaqyny banktiń ózine tóleý usynylǵan edi. Alaıda keıin bul bastamadan bas tartyldy.