Almaty oblysynyń Talǵar aýdanynda 24 jastaǵy Nura aýylynyń turǵyny kisi qolynan qaza tapty. Qaıǵyly oqıǵaǵa qatysty qylmystyq is qozǵalyp, kúdiktiler ustaldy, dep jazady Egemen.kz.
Áleýmettik jelilerde taraǵan málimette marqum inisimen birge osydan 10 jyl buryn dúnıeden ótken ákesiniń qabirine baryp, Quran baǵyshtamaq bolǵan. Oqıǵa túngi saǵat 01:00 shamasynda bolǵan.
Jarııalanǵan aqparat boıynsha, jolda aǵaıyndylardyń jolyn ishinde úsh jas jigit otyrǵan avtokólik bógegen. О́tip ketý úshin kóliktiń esigin jabýdy suraǵannan keıin eki tarap arasynda janjal týyndaǵan. Habarlamalarda aıtylǵandaı, 24 jastaǵy jigit kólikten shyqqan sátte qarsy taraptaǵy jastardyń biri oǵan pyshaqpen shabýyl jasaǵan.
Almaty oblystyq polısııa departamentiniń málimetinshe, 11 mamyr kúni Nura aýylynyń 24 jastaǵy turǵyny aýrýhanada pyshaq jaraqatynan kóz jumǵan.
Talǵarda taǵy da qaıǵyly jaǵdaı: Bir top adam 20 jastaǵy jigitti pyshaqtap óltirdi
Qylmys týraly habar túskennen keıin polısııa syrtqy jasaqtardy jumyldyryp, beketter ornatqan. Jedel-izdestirý sharalary barysynda marqumnyń úsh aýyldasy izin sýyptpaı ustalǵan.
Atalǵan derek boıynsha «Adam óltirý» jáne «Buzaqylyq» baptarymen qylmystyq ister qozǵaldy. Kúdiktiler ýaqytsha ustaý ızolıatoryna qamaldy.
Qazir tergeýshiler oqıǵanyń barlyq mán-jaıyn anyqtaý maqsatynda oqıǵaǵa qatysýshylar men kýágerlerdiń jaýaptaryn tekserip jatyr. Tergeý barysy departament basshylyǵynyń erekshe baqylaýyna alynǵan.
Quny 17 mıllıondyq kóligin alyp qoıǵan: Talǵarda aqsha bopsalaýmen aınalysqan qylmystyq top ustaldy