Mysyrdyń Ismaılııa qalasynda aýyr atletıkadan jasóspirimder arasyndaǵy álem chempıonaty aıaqtaldy. Dúbirli dodada Qazaqstan quramasy 5 medal jeńip aldy, dep jazady Egemen.kz.
El qorjynyna sportshylar 2 kúmis, 2 qola jáne 1 altyn júlde saldy. Barlyq medal 88 kelige deıingi salmaq dárejesinde tirkelip otyr.
Azııanyń aldy boldy
Ulttyq olımpıadalyq komıtettiń málimetinshe, julqa kóterý saıysynda Álıhan Áskerbaı 161 kelini eńserip, kúmis júldege ıe boldy. Al serpe kóterýde Erasyl Sáýlebekov 199 kelini baǵyndyryp, álem chempıonatynyń altyn medalin jeńip aldy. Osy jattyǵýda Álıhan Áskerbaı 194 keli kóterip, qola júldeni qanaǵat tutty.
Qossaıys nátıjesinde Erasyl Sáýlebekov 356 kelimen kúmis júldeger atansa, Álıhan Áskerbaı 355 kelimen úzdik úshtikti túıindedi.
Sondaı-aq 65 kelige deıingi salmaqta synǵa túsken Beıbarys Erseıit julqa kóterýde 131 kelini baǵyndyryp, jasóspirimder arasyndaǵy álem rekordyn jańartty.
Almas jarqyldaıtyn kezeń