Almatyda ana ólimin tıisti organdarǵa ýaqtyly habar bermegen medısınalyq uıymǵa ákimshilik aıyppul salyndy. Bul týraly Almaty qalalyq Medısınalyq jáne farmasevtıkalyq baqylaý komıteti departamentiniń basshysy Damır Daýletbaev málimdedi, dep habarlaıdy Egemen.kz.
Onyń aıtýynsha, bosanǵan áıel qaıtys bolǵan jaǵdaıda medısınalyq uıym 24 saǵat ishinde bul týraly departamentke, qalalyq densaýlyq saqtaý basqarmasyna, ákimdikke jáne Densaýlyq saqtaý mınıstrligine habarlaýy tıis.
«О́kinishke qaraı, barlyq medısınalyq uıymdar bul talapty ýaqtyly oryndaı bermeıdi. Jaqynda ana ólimi tirkelgen jaǵdaı boldy. Osy buıryqty oryndamaǵany úshin medısınalyq mekemege ákimshilik aıyppul salýǵa májbúrmiz», dedi Damır Daýletbaev.
Qazaqstanda sońǵy bes jylda ana ólimi 35%-ǵa tómendedi
Buryn mundaı jaǵdaılarda departament prokýratýra arqyly tekserý tirkep, máıitti saraptaý qorytyndysyn kútetin. Alaıda shaǵyn jáne orta bıznes sýbektilerin tekserýge nebári 10 jumys kúni berilip, bul ýaqyt jetkiliksiz bolatyn. О́tken jyldan bastap Densaýlyq saqtaý mınıstrliginiń buıryǵyna ózgerister engizilip, «tergeý» uǵymy engizildi. Endi mundaı tekserýge 30 kún bólinedi, qajet bolǵan jaǵdaıda merzim taǵy 30 kúnge uzartylýy múmkin.
Departament basshynyń aıtýynsha, jaǵdaı tirkelgen sátten bastap táýelsiz sarapshylar tartylyp, tekserý prokýratýrada tirkeledi. Budan soń qujattardy zertteý bastalady.
Almatydaǵy №1 perzenthana aqyry súrilip tyndy
Sondaı-aq mamandar medısınalyq qujattarǵa qandaı da bir ózgeris jasalǵanyn anyqtaıdy. Buryn mundaı qujattarǵa qatysty túrli kúmán týyndap, jazbalar bir-birine sáıkes kelmeıtin jaǵdaılar kezdesken. Qazir ózgeristerdi biryńǵaı elektrondy qujat aınalymy júıesi arqyly baqylaýǵa bolady.
Polısııa tıisti medısınalyq kómektiń durys kórsetilmeýi nemese qylmystyq jaýapkershilikke ákelýi múmkin ózge de zańbuzýshylyq belgileriniń bar-joǵyn anyqtaıdy.
Nurbolat AMANBEK