Bala kezinde ózine prodıýser tarapynan zorlyq kórsetilgenin aıtyp jazba jarııalaǵan Nurǵalı Nuǵman esimdi azamatqa qatysty «Balapan» telearnasy pikir bildirdi, dep habarlaıdy Egemen.kz.
Akterdiń aıtýynsha, onyń óner salasyna kelýine týysy kómektesken. Ol sol kezde «Balapan» telearnasyna qatysty jobada prodıýser bolyp jumys istegen. Alaıda Nurǵalı keıin dál sol adamnyń tarapynan qysym men zorlyq kórgenin málimdedi.
Jas akterdiń sózinshe, oqıǵa túsirilim aıaqtalǵannan keıin jumys kabınetinde bolǵan. Ol sol sátte qatty qorqyp qalǵanyn jáne eshkimge aıtýǵa batpaǵanyn jetkizdi.
«Men ol kezde kishkentaı bala boldym. Qoryqqanym sonshalyq, ne isterimdi de bilmedim. Ol «Eger bireýge aıtsań, endi kıno men serıaldarǵa túse almaısyń» dep qorqytty. Osylaısha bul bizdiń qupııamyz bolyp qaldy», dedi ol.
Zorlyq-zombylyqtan zardap shekken balalarǵa arnalǵan kómek kabınetteri ashylady
Atalǵan jaıtqa baılanysty telearna resmı málimdeme jasady. Aıtýlarynsha, sol ýaqyt aralyǵynda telearnada er adam prodıýser bolyp qyzmet atqarmaǵan.
«2010 jylǵy 27 qyrkúıekte ashylǵan «Balapan» telearnasynyń shtatynda er adam «prodıýser» qyzmetin atqarmaǵan. Keıin jeli qoldanýshysy óz málimdemesinde aıtylǵan jaıttardyń «Balapan» telearnasynda emes, kommersııalyq jobaǵa qatysty bolǵanyn naqtylap, jańa beınejazba jarııalady jáne arna ujymynan keshirim surady», delingen habarlamada.
Astanada 82 jastaǵy qarııa shóberesine zorlyq-zombylyq kórsetkeni úshin 20 jylǵa sottaldy
Aıta keteıik, Nurǵalı Nuǵman Ermek Tursynovtyń «Jat» fılminde basty keıipkerdiń jastyq shaǵyn somdaǵan.
Nurbolat AMANBEK