«Turǵyn úı kezegi» degende kóp adam qarapaıym tizimdi elestetedi. Aldyndaǵy adam azaıǵan saıyn páter jaqyndaı túsetindeı. Alaıda is júzinde bul júıe basqasha. Kezek – páterdi avtomatty túrde alý joly emes, memlekettik qoldaýǵa qol jetkizýdiń tetigi. Iаǵnı sýbsıdııa, jaldamaly turǵyn úı nemese jeńildetilgen ıpoteka alý múmkindigi. Biraq bul tek talaptarǵa saı kelip, óz mártebeńizdi únemi tekserip otyrǵan jaǵdaıda ǵana iske asady, dep jazady Egemen.kz.
Kóbine mynadaı jaǵdaı kezdesedi. Adam esepke turady da, keıin bul týraly umytyp ketedi. Biraz ýaqyt ótken soń derekter jańartylmaǵany, mártebe toqtatylǵany, al baǵdarlamalarǵa qatysý múmkindigi joǵalǵany belgili bolady. Mundaıǵa jol bermeý úshin turǵyn úı esebiniń qalaı júrgiziletinin bilip, ózińizdi ara-tura tizimnen tekserip turǵan jón.
Turǵyn úı kezegi degen ne?Bul – turǵyn úıge muqtaj azamattardyń esebi. Negizi byltyrdan bastap talaptar aıtarlyqtaı jeńildetildi. Qazir esepke turý úshin úsh shart jetkilikti:
– Qazaqstan azamattyǵy nemese qandas mártebesi bolýy kerek; – sońǵy bes jylda elimizdiń aýmaǵynda turǵyn úı bolmaýy tıis (bul talap ótinish berýshiniń ózine, jubaıyna jáne kámeletke tolmaǵan balalaryna birdeı qoldanylady); – turaqty tirkeý bolýy qajet. Astana, Almaty jáne Shymkent qalalarynda – keminde úsh jyl, ózge óńirlerde merzim shektelmeıdi.
Oqı otyryńyz: Turǵyn úı erejesi túbegeıli ózgerdi
Kezekti qaıdan kórýge bolady?Qazir ózekti tizimder tek Otbasy bank saıtynda jarııalanady. Olar oblystar men qalalar boıynsha bólingen. Formaty yńǵaısyzdaý – Excel faıly, ony júktep alý kerek. Degenmen ázirge bul – jalǵyz jumys istep turǵan nusqa. Bank ókilderi aldaǵy ýaqytta rásimdi jeńildetýge ýáde berip otyr.
О́zińizdi tizimnen qalaı tabasyz?«Otbasy banktiń» saıtyna kirip, «Qoljetimdi turǵyn úı» bólimi arqyly «Turǵyn úıge muqtaj azamattar tizimin» ashasyz. О́z óńirińizdi tańdap, faıldy júkteısiz (ol tek kompıýter nemese noýtbýkte ashylady). Faıldan tegińizdi Ctrl + F arqyly izdeýge bolady.
«Kezek nómiri» shatastyryp jiberediKópshilik famılııasynyń janyndaǵy sandy naqty orny dep oılaıdy. Bul qate túsinik. Ol – jaı ǵana jalpy tizimdegi rettik nómir, eshqandaı basymdyq bermeıdi.
Qazir «turǵyn úı kezegi» uǵymynyń ózi birtindep qoldanýdan shyǵyp keledi. Negizinde bul – muqtaj azamattardyń esebi. Úı bólý kezinde sheshýshi ról atqaratyny – esepke turǵan kún. Sol merzim boıynsha ár sanattyń ishinde basymdyq qalyptasady.
О́z ornyńyzdy naqty túsiný úshin tizimdi óz sanatyńyz boıynsha súzgiden ótkizý qajet: kópbalaly otbasylar, jetim balalar, tolyq emes otbasylar jáne basqa toptar. Sonda aldyńyzda naqty qansha adam turǵany kórinedi.
Taǵy bir mańyzdy jaıt: memlekettik kómektiń túrleri ártúrli, kútý tártibi de soǵan qaraı ózgeredi.
Oqı otyryńyz: Sot sheshiminsiz turǵyn úıden aıyrýǵa da, baspanadan shyǵarýǵa da jol berilmeıdi
Memleket qandaı qoldaý usynady?Qazirgi tańda úsh negizgi baǵyt bar:
– jaldaý aqysyna sýbsıdııa (50 paıyzyn memleket óteıdi); – jaldamaly turǵyn úı (keı jaǵdaıda satyp alý quqyǵymen); – jeńildetilgen ıpoteka (2, 5 jáne 7-9 paıyzdyq mólsherlememen).
Jaldaý sýbsıdııasy tek tórt sanatqa beriledi: kópbalaly otbasylarǵa, múgedektigi bar azamattarǵa, múgedek balasy bar otbasylarǵa jáne jetim balalarǵa. Olar turǵyn úıdi naryqtan ózderi izdeıdi.
Al jeńildetilgen ıpotekalyq baǵdarlamalarda, mysaly Naýryz (7–9%), «kezektiń kelýin» kútýdiń qajeti joq. Qabyldaý jarııalanǵan sátte birden ótinish berýge bolady. Basty talap – «Otbasy bankindegi» depozıt pen jetkilikti jınaqtyń bolýy.
Eń uzaq kútiletini – jaldamaly turǵyn úı. Kezekte turǵandardyń basym bóligi osy sanatta. Mundaı páterlerdiń aı saıynǵy aqysy shamamen 15-20 myń teńge, oǵan kommýnaldyq tólemder qosylady. Keı óńirlerde ákimdikterdiń sheshimimen bul úılerdi keıin satyp alýǵa múmkindik beriledi.
Kezekte turǵandar ne isteýi kerek?Jaldamaly úı, ıpoteka nemese sýbsıdııa bólingeni týraly SMS alý úshin mindetti túrde ınventarızasııadan ótý qajet. Habarlamalardy tizimdi júrgizetin «Otbasy bank» jiberedi.
Inventarızasııa barysynda azamat derekterin jınaýǵa jáne óńdeýge kelisim beredi ári óziniń jáne otbasy músheleriniń atynda turǵyn úıdiń joq ekeni tekseriledi.
Oqı otyryńyz: Turǵyn úı kezegi qaıta júıelendi: Kimderge jeńildik beriledi?
Inventarızasııadan qalaı ótedi?orken.otbasybank.kz saıtyna elektrondyq sıfrlyq qoltańba arqyly kirip, jeke kabınetke ótesiz. Derbes derekterdi óńdeýge kelisimge qol qoıasyz. «Inventarızasııa» bólimine ótip, prosesti bastaısyz. Árbir otbasy múshesi saıtqa jeke kirip, óz kelisimin rastaýy tıis.
Eger ınventarızasııadan ótpeseńiz, talaptarǵa tolyq saı kelgenniń ózinde bank turǵyn úı bólingeni týraly SMS jibere almaıdy.
Qysqasy, kezek ózdiginen eshteńe kepildemeıdi. Memlekettik qoldaýdan qaǵylyp qalmaý úshin tizimdegi mártebeńizdi tekserip, ınventarızasııany ýaqytyly ótip otyrý qajet.