Saýdııanyń SPA aqparattyq agenttigi habarlaǵandaı, Er-Rııad Katarmen aradaǵy shekarany jaýyp, jerdegi, teńizdegi jáne áýe qatynastarynyń bárin úzdi. Osylaısha Dohany aıtarlyqtaı oqshaýlap tastady. Agenttik sózin keltirgen saýd úkimeti ókiliniń aıtýynsha, bul qadamdar eldiń ulttyq múddesin terrorızm men ekstremızm qaýipterinen qorǵaý maqsatynda jasalyp otyr.
VVS bul jaǵdaıdy Parsy shyǵanaǵyndaǵy yqpaldy jáne AQSh-pen odaqtas elder arasyndaǵy asa iri teketires dep baǵalaıdy.
Budan eki apta buryn atalǵan tórt el Katardyń aqparat saıttaryn buǵattap tastaǵan bolatyn. Ol kezde ınternette Katar ámiri Sheıh Tamım bın Hamad ál-Tanıdyń Saýd Arabııasyn synaǵany týraly materıaldar paıda bolǵan-dy. Alaıda, Katar ókimeti olardy jalǵan dep málimdedi.
Al qazirgi oqıǵalar mynadaı.
Birikken Arab ámirlikteri Katar dıplomattaryna elden ketýge 48 saǵat berdi. Ábý-Dabı Dohany terrorızmdi, ekstremızmdi jáne sektanttyq uıymdardy qoldap, qarjylaı kómek beredi degen aıyp taǵady dep habarlady WAM aqparat agenttigi. BAÁ-niń memlekettik Etihad Airways áýe kompanııasy jergilikti ýaqyt boıynsha seısenbi saǵat 02:45-ten bastap Dohaǵa reısterdiń bárin toqtatatynyn habarlady. Bahreınniń úkimettik aqparat agenttigi eldiń ishki isine aralasyp, qaýipsizdik pen turaqtylyqqa qaýip tóndirip otyrǵany úshin Bahreınniń Dohamen aradaǵy baılanystardy úzetinin habarlady. AQSh Memlekettik hatshysy Reks Tıllerson Sıdneıde sóılegen sózinde máselelerdi dıalog arqyly sheshýge shaqyrdy. Katar Iemende Hýtý kóterilisshilerimen soǵysyp jatqan Saýd Arabııasy bastaǵan koalısııa quramynan da shyǵaryldy. О́ıtkeni, SPA agenttiginiń habary boıynsha, alıans Katardy terrorızmdi kúsheıtetin ádisterdi qoldanady jáne ál-Kaıda, DAISh sııaqty toptardy qoldaıdy, sonymen qatar jasaqshylarmen baılanys jasaıdy dep aıyptaıdy.Katar ókimetinen bul ahýalǵa qatysty ázirge resmı jaýap bolǵan joq. Katar 2022 jyly fýtboldan álem chempıonatyn ótkizýi tıis dep eske salady VVS.