PARLAMENT “Egemen Qazaqstannyń” arnaýly beti

BESJYLDYQ JOSPARǴA ZAŃNAMALYQ NEGIZDER Bizdiń elimiz postkeńestik keńistikte alǵashqylardyń biri bolyp daǵdarystan keıingi ekonomıkany damytý  baǵdarlamasynyń negizgi baǵyttaryn aıqyndady. Soǵan baılanysty Úkimet eldi ındýstrııalandyrýdyń besjyldyq josparyn ázirledi. Parlamenttiń byltyrǵy sessııasyn ashý kezinde sóılegen sózinde Elbasy Nursultan Nazarbaev osy úderisti zańdyq turǵydan qoldaıtyn basym baǵyttardy belgilep berdi. Osynaý tapsyrmanyń qalaı oryndalǵandyǵy jóninde Senattyń Zańnama jáne quqyqtyq máseleler komıtetiniń múshesi Iýrıı KÝBAIChÝK áńgimeleıdi.  – Elbasy Parlamenttegi sózinde ǵana emes, “Nur Otan” HDP-nyń kezekten tys ótken HII sezinde de eldi ındýstrııalan­dyrý birinshi kezektegi mindet­terdiń biri ekenin atap kórsetken bolatyn. Sonyń ishinde bizdiń ekonomıka­myzda óńdeý ónerkásibi úlesiniń tómendigi, ǵylymnyń damý qar­qyny­nyń báseńdigi, joǵary ónimdi tehnologııalar engizilýiniń oıdaǵy­daı emestigi kóldeneń tar­tylǵan edi. Sondyqtan da otandyq ekono­mıkany ındýstrııalyq-ınnovasııa­lyq jaǵynan jyldam­data damytý­dyń besjyldyq jos­pary “Qazaq­stan-2030” Strategııa­synyń aıasyn­da qarastyryldy. Al ony iske asyrý 2010 jyldyń qańtarynan bastaldy. Jedel ındýstrııalandyrýdyń besjyldyq josparyna negizinen ekonomıkanyń jeti salasy engi­zildi. Atap óter bolsaq olar: agroónerkásip kesheni, qurylys ındýstrııasy, munaı óńdeý, metallýrgııa, hımııa ónerkásibi jáne farmasevtıka, energetıka, kólik jáne telekommýnıkasııa ınfraqurylymdary. Osy jospardy ázirleý bary­synda máshıne jasaý, metallýrgııa, munaı óńdeý, farmasevtıka men hımııa salasy boıynsha jalpy so­masy 30 mlrd. dollardy quraıtyn 25 ındýstrııalyq joba iriktelip alyndy. Bul jobalardy iske asyrý tıimdiligi 35 mlrd. dollar bolmaq jáne jańadan 270 myń jumys orny ashylmaqshy. Qazaqstannyń búgingi ekonomı­kalyq modeli eldi jedeldete ındýs­trııalandyrýǵa molynan múmkindik beredi. Daǵdarysqa qarsy baǵdar­lamany qolǵa alǵan kúnnen bastap bizdiń elimiz ındýstrııalyq saıasat ekonomıkany damytýdyń negizgi vektory ekenin tanytty. Ol týraly jańa zań da osy basym maqsatty kózdeıdi. Eldiń ındýstrııalandyrý saıasa­ty bir jaǵynan alǵanda ishki óndi­ris pen ónerkásiptiń eksportqa baǵ­darlana damýyn qarastyrady. So­nyń ishinde ǵylymı tehnolo­gııalardy qoldanatyn salalardy damytýǵa úlken kóńil bólinip otyr. Ǵylym jáne ǵylymı saıasat jónin­degi keńestiń kezekti otyrysynda Prezıdent memlekettiń maqsaty ǵylymnyń damýyna jańa qarqyn berý jáne bıznesti onymen tyǵyz yntymaqtastyqqa ıkemdeý bolyp tabylatynyn aıtty. Bul memle­kettik kompanııalarǵa ǵana emes, jekemenshik bızneske de qatysty. Olar da ózderiniń tabystarynyń belgili bir mólsherin zań boıynsha ǵylymdy damytýǵa bólip otyrady. Búgingi kúni Elbasynyń tapsyr­masyna sáıkes elimizde bes úlken ulttyq, barlyq oblys orta­lyqtaryndaǵy ýnıversıtetterde ınjenerlik profıldegi 15 laboratorııa ashyldy. “Innovasııalyq áreketterdi memlekettik qoldaý týraly” Zańǵa ózgerister men tolyqtyrýlarda ınnovasııalyq granttar berý jáne ınnovasııalyq damýdyń keshendi sharalaryn qurý sııaqty qoldaýdyń jańa tetikteri qarastyrylǵan. Sonymen qatar, bizdiń aldymyzǵa ǵylym týraly jańa zań qabyldaý kerektigi týraly mindet qoıylyp otyr. Onda otandyq ǵylymdy damytýdyń negizgi qaǵıdattary aıqyndalatyn bolady. Aıta keterligi, bul qujat qazirdiń ózinde Májilistiń qorjynynda jatyr. Zań jobasymen ústirt tanysyp shyqqannyń ózinde onda ǵylymdy basqarýdyń jańa modeliniń, ǵylymı izdenisterdi qarjylandy­rý­dyń kóp satyly júıesiniń nor­ma­lary qarastyrylǵanyn kórdik. Sonymen qatar, onda ǵylym salasy qyzmetkerlerin, ǵalym­dardy áleýmettik turǵydan qorǵaý júıesin damytý, ǵylym men bilimniń ıntegrasııalanýy sekildi máseleler kózdelgen. Osy zańdy tezirek qabyldasaq, ol elimizdiń ǵylymı-tehnıkalyq salasyn damytýǵa tıimdi úles qosar edi degen úmittemiz. Osynyń ózi ındýs­trııalyq saıasatty iske asyrýǵa qosqan súbeli úles bolatyny sózsiz. О́zderińizge belgili, osydan jeti jyl buryn Qazaqstan Respýblı­kasynyń 2003-2015 jyldarǵa arnalǵan ındýstrııalyq-ınnova­sııalyq damý strategııasy qabyl­dandy. Osy strategııa el ekono­mıkasyn jedeldete ındýstrııa­landyrýǵa kóshirýge múmkindik beredi. Prezıdent der kezinde bekitken osy qujatty iske asyrý daǵdarystan keıingi kezeńde ekonomıkany odan ári ındýs­trııalandyrýǵa jaǵdaı týǵyzady. Ony oryndaý úshin tıisti zańdyq jáne normatıvtik-quqyqtyq baza qalyptastyrylǵan-tyn. Atap aıtqanda, 30-dan artyq salalyq baǵdarlama qabyldanyp, ınstı­týttyq negizder qalanǵan. Búgingi kúni Úkimet daǵdarysqa qarsy aǵymdaǵy mindetterdi sheshý barysynda birinshi kezekte ishki tutynýǵa arnalǵan daıyn ónimderdi shyǵaratyn óndiristerdi qoldap otyr. Osynyń ózi óte durys shara. Halyqaralyq tájirıbe kórsetke­nindeı, daǵdarystan keıingi ekono­mıkany damytýda barlyq elder osyndaı tájirıbeni qoldanady. Otandyq ekonomıkany ındýs­trııalandyrýdyń alǵysharty da osy. 2010-2015 jyldar aralyǵyn­daǵy ındýstrııalandyrý kartasyn jáne 2020 jylǵa deıingi kezeńge arnalǵan óndiristik kúshterdi shoǵyrlandyrýdyń tıimdi syzbasyn ázirleý asa iri ınvestısııalyq jobalardy iske asyrý múmkin­dikterin anyqtaıdy. Sondaı-aq bul qujattar otandyq bıznesti damytýǵa jańa jaǵdaılar týdyryp, qosymsha tetikter qyzmetin atqa­rady. Osynyń bári daǵdarystan keıingi ekonomıkanyń serpin alýyna naqty múmkindik jasaıdy. Bul jumystardyń negizgi úıles­tirýshisi dep belgilengen Indýstrııa jáne saýda mınıstrligine qosymsha fýnksııalar berildi. Jalpy aıtqanda, ındýstrııa­lyq-ınnovasııalyq damý aıasynda ótken jyly quny 508,1 mlrd. teńge bolatyn 227 joba iske asyryldy. Osynyń arqasynda jańadan 14,7 myń jumys orny ashyldy. Memle­ket “Samuryq-Qazyna” UÁQ arqyly bul jobalardy tikeleı qarjylandyryp otyr. Sonymen birge, ekonomıkany jedeldete ındýstrııalandyrý boıynsha elimizde Úılestirý keńesi, ınvestısııalyq jobalardy baǵalaý jónindegi táýelsiz qarjylyq toptar qurylǵan. Osynyń bári alda turǵan mindetterdi jedel iske asyrýǵa jaǵdaı jasaıdy. Jazyp alǵan  Jaqsybaı SAMRAT. ǴARYSh TEHNIKASY elementterin qurastyrý jáne synaý úshin joǵary tehnologııalyq kásiporyn qurylatyn bolady Astana qalasynda ár túrli maqsattaǵy ǵarysh apparatta­ryn (baılanys, jerdi qashyq­tyq­tan zondtaý, ǵylymı maq­sat­taǵy jáne t.b.), paıdaly júkteme quramdas­taryn jáne ǵarysh tehnıkasy elementterin qurastyrý jáne synaý úshin jo­ǵary tehnologııalyq kásip­oryn qurylatyn bolady, dep habar­lady Májilistiń baspasóz qyzmeti. Jerdi qashyqtyqtan zond­taý­­dyń ǵarysh júıesi (JQZ ǴJ) jobasy joǵary jáne orta sheshimdi jer serikterin jáne barlyq qajetti jer ústi ınfra­qurylymyn qurýdy qamtıdy. Osyndaı júıe kómegimen alyn­ǵan sýretter ár túrli salalar­da: qorǵanys, ulttyq qaýipsiz­dik, jer qatynastary, aýyl sharýashy­lyǵy, tótenshe jaǵdaı jáne basqalarda paıdalaný úshin qajet. Osy kelisim sheńberinde qu­ryl­ǵan keshen memleketimizdiń qalyp­tasyp jatqan ǵarysh sa­la­synyń basty elementi bolady. Kelisim “Qazaqstan Respýb­lıkasynyń Úkimeti men Fran­sýz Respýblıkasynyń Úkimeti arasyn­­daǵy Jerdi qashyqtyq­tan zond­taýdyń ǵarysh júıesi men ǵarysh apparattarynyń qurastyrý-synaý keshenin qurý jáne paıdalaný sharttary týra­ly kelisimdi ratıfı­kasııalaý týraly” zań jobasy túrinde Úkimetten Májiliske bekitý úshin berildi. Qazaqstan   men Fransýz úkimetteri arasyndaǵy kelisimge 2009 jylǵy qazannyń 6-synda qol qoıylǵan. Zań jobasy boıynsha bas komı­tet retinde Májilistiń Ha­lyq­aralyq ister, qorǵanys jáne qaýipsizdik komıteti bel­gilendi. Zań jobasyn depýtat­tarǵa Ulttyq ǵarysh agenttigi tanystyratyn bolady. Osy jobany iske asyrý ǵarysh salasynyń 150-ge deıin joǵary bilikti mamandaryn daıarlaýǵa, keshen qurylysy kezeńinde jumys oryndaryn 300 birlikke deıin kóbeıtýge, keshen jumys jasaý barysynda joǵary bilikti maman­dar úshin turaqty jumys orynda­ryn kóbeıtýge jáne tolymdaýysh­tardy óndirý jáne sýbmerdiger­­lik qyzmetterdi kórsetý jónin­degi ekonomıkanyń irgeles salalarynda jumys oryndaryn bir myń birlik­ke deıin ulǵaı­týǵa jol ashady. ­О́ZGEShE TARIHTY AÝYLDYŃ О́TINIShI Tasbaı SIMAMBAEV, Anatolıı Bashmakov, Senat depýtattary. Aldymen óz saılaýshylary­myzdyń atynan Úkimet tarapy­nan jasalyp júrgen myqty áleýmettik maqsattaǵy jumys­tar úshin rızashylyǵymyzdy bildirýdi paryz sanadyq. Álem­dik daǵdarysqa qaramastan, elimizde “Jol kartasy”, “100 mektep, 100 aýrýhana” baǵdarla­ma­lary júzege asyrylýda. El­basy Nursultan Nazarbaevtyń bastamasymen atqarylyp jat­qan osy jumystar halyqtyń ál-aýqatyn jaqsartýǵa oń yq­pal etip, ol respýblıka aıma­ǵynda jurtshylyqtyń shyn mánindegi qoldaýyna ıe bolýda. Endi áńgimemizdiń negizgi taqyrybyna kósheıik. Soltústik Qazaqstan oblysynyń Shal aýdanynda ózgeshe tarıhty, ózindik dástúri ornyqqan bir aýyl bar. Ol–Jaltyr aýyly. Uly Otan soǵysy kezinde osy aýylda 90 úı bolsa, sum soǵys­tan týra 90 azamat týǵan aýyly­na oralmaı, súıekteri jat jer­de qaldy. Sondaı-aq osy aýyl­dan kóptegen elimizge tanymal ǵylym men mádenıet jáne memleket qaıratkerleri shyqty. Shaǵyn ǵana aýyldan elimizdiń joǵary zań shyǵarý organyna 3 birdeı depýtattyń saılanýy da biraz jaıdan habar berse kerek. Aýyl turǵyndarynyń otan­súıgishtikteri de kópke úlgi etýge jaraǵandaı. Prezıdenttik úsh saılaýda da aýyldyqtardyń barlyǵy bir kisideı, ıaǵnı 100 paıyz Elbasymyzǵa daýystaryn berdi. Aýyl turǵyndary eshqashan eńbekten qashqan emes. Jal­tyr­lyqtar eginderin bitik shy­ǵaryp, jınap, mal ósirýmen aınalysady. Balalaryn tár­bıelep, tirlikterin jasap, aǵa býynnyń jaqsy dástúrlerin jalǵastyryp jatyr. Alaıda, aýyldaǵy osydan 50 jyl buryn qoldaǵy bar materıaldardan salynǵan mektep ǵımaraty qulaýǵa shaq tur. Onda bala oqytpaq túgil, kirip-shyǵýdyń ózi qaýipti. El Úkimeti osyndaı  taǵy­lym­dy shejiresin jıǵan shaǵyn aýylda 100 oqýshy bilim alatyn jańa mektep úıin salýǵa qarjy bólse, nur ústine nur bolmaq. Bul jaltyrlyqtardyń búgingi eńbegi men ótken tarıhyna jasalǵan laıyqty qurmet pen oń baǵa bolar edi. AGRARShYLARDYŃ KО́ShPELI MÁJILISI “QazAgroInnovasııa” aksıo­nerlik qoǵamynda Parlament Sena­tynyń Agrarlyq máseleler jáne qorshaǵan ortany qorǵaý komıteti depýtattarynyń kóshpeli májilisi boldy. Elimizdiń basshylyǵy sońǵy jyldary agrarlyq sektordyń básekege qabilettiligin arttyrý úshin onyń basym baǵyttaryna qoldaý kórsetý saıasatyn ustanyp otyr. AО́K damytýda jańa ıdeıalar­dy, ozyq ınnovasııalyq tehnolo­gııalardy jáne ádisterdi paıdalaný aýyl sharýashylyǵy óndirisin tıimdi júrgizýdiń negizgi quramdas bóligine aınalyp keledi. Memleket basshysy Nursultan Nazarbaev ótken jyldyń qyrkúıek aıynda ótken Ǵylym jáne ǵylymı saıasat keńesiniń májilisinde ekonomıkany jedeldetip ındýs­trııalandyrý máselelerin sheshý, ekonomıkanyń ınnovasııalyq qyzmetine jaǵdaı jasaý jáne belsendi etý úshin ǵylymdy damytý jáne AО́K-tiń ǵylymı áleýetin joǵarylatýǵa baılanysty jańa mindetterdi aıqyndap berdi. Al “QazAgroInnovasııada” ótken is-sharalardyń maqsaty Parlament Senatynyń depýtatta­rymen agrarlyq ǵylymdy odan ári damytýdyń jaǵdaıyn jáne “QazAgroInnovasııa” AQ osy sala­da júzege asyryp jatqan sha­­ra­lar týraly máselelerdi talqy­laý boldy. Belgili bolǵanyndaı, “QazAgro­Innovasııa” AQ AО́K salasynda ınnovasııalyq damýshy ınstıtýt mártebesine ıe jáne agrarlyq sektordy ǵylymı qamtamasyz etý jónindegi mamandandyrylǵan uıym bolyp sanalady. Atalǵan AQ aldyna AО́K qajettilikteri úshin jańa bilimderdi generasııalaý, eń úzdik otandyq ǵylymı ázirle­melerdi jáne sheteldik agrotehno­logııalardy transfertteýdi paıda­­lana otyryp ǵylymı jetistikterdi óndiriske engizý barysyn qarqyn­datý mindetteri qoıyldy. Qazaq­standyq agrarlyq ǵylymdy damytý tarıhynda 2009 jyl ózgeriske toly jyl boldy, sebebi, alǵash ret kompanııanyń tikeleı qatysýymen aýyl sharýashylyǵy ǵylymy men ınnovasııalardy qoldaýǵa 5,6 mıllıardtan astam teńge, onyń ishinde ǵylymı zertteýlerdi júrgizýge 2,7 mlrd.teńge, óndiristik jáne agrarlyq ǵylymnyń óndiris­tik jáne ınnovasııalyq ınfra­qurylymyn qurýǵa 2,98 mlrd.teńge baǵyttaldy. Parlament Senatynyń depýtat­tary men agrarııa ǵalymdarynyń kezdesýi barysynda senatorlar bıýdjettik quraldardy tıimdi ıgerý boıynsha qabyldanyp jatqan sharalarmen, sonymen birge, agrar­lyq ǵylymnyń keıbir ǵylymı orta­lyqtarynyń qyzmetimen tanysty. Asqar TURAPBAIULY. BALA ASYRAP ALÝShYLAR QATARY ARTYP KELEDI Májilistiń Halyqaralyq ister, qorǵanys jáne qaýipsizdik komıte­tiniń otyrysy ótti, dep habarlady osy palatanyń baspasóz qyzmeti. “Búginde elimizde bala asyrap alýshylar kóbeıip keledi. 2009 jyly 3 myń 44 bala asyraýǵa alyndy. Ol burnaǵy jylǵydan 271 balaǵa kóp. Al sheteldikter bizden 669 bala asyraýǵa aldy. Endi syrt­ta júrgen balalardyń quqyǵyn qorǵap, ómirin saqtaımyz”, – dedi alǵashqy bolyp komıtet otyry­synda talqyǵa túsken “Qazaqstan Respýblıkasynyń Balalardy qor­ǵaý jáne balany sheteldik asyrap alýǵa qatysty yntymaqtastyq týraly konvensııaǵa qosylýy jáne ony ratıfıkasııalaýy týraly” zań jobasy boıynsha Bilim jáne ǵylym mınıstriniń orynbasary Mahmet­ǵalı Sarybekov óz baıandamasynda. Álemniń 72 eli qol qoıǵan konven­sııa – Gaaga konvensııasyna qosylý úshin 2006 jyly atalǵan zań jobasy ázirlenip, Parlamentke kelip tústi. AQSh-taǵylar jyl saıyn asyrap alǵan balanyń jaı-kúıin aıtyp, esep berip otyramyz degenimen de olardyń barlyǵyn birdeı qadaǵalaý múmkin emes. “Bala 18 jasqa tolǵanynsha eki jaqtyń da esebinde turyp, ári qaraı azamattyǵyn ózi tańdaıdy”, – dep kórsetiledi zań jobasynda. Komıtet múshesi Sát Toqpaq­baevtyń “Osy zań jobasyn qabyl­daǵannan bizge qandaı paıda, qandaı zııan keledi?” – degen suraǵyna baıandamashy “Búginde syrtta júrgen balalardyń quqy­ǵyn qorǵap, ómirin saqtaımyz”, – dep jaýap berdi. Komıtet múshesi, Májilis depýtaty, Prezıdent janyndaǵy Adam quqyqtary jónindegi komıs­sııanyń tóraǵasy Saǵynbek Tursynov “Respýblıkamyzda halyq sany bar bolǵany 16 mıllıon ǵana, árqaısymyz sol syrtqa ketken balanyń bir-bireýin baǵyp alsaq, tipti jaqsy bolar edi”, – dep demografııalyq ahýalymyzǵa alańdaýshylyǵyn bildirdi. Komıtet músheleriniń qyzý talqysynan ótken zań jobasy jalpy otyrysqa joldama aldy. Bilim jáne ǵylym mınıstriniń orynbasary Mahmetǵalı Sarybe­kov búgingi otyrysta “Qazaqstan Respýblıkasynyń keıbir zańnama­lyq aktilerine otbasy úlgisindegi balalar aýyly jáne jasóspirimder úıleri máseleleri boıynsha ózgerister men tolyqtyrýlar engizý týraly” zań jobasy boıynsha da baıandama jasady. Komıtet músheleri mınıstrdiń orynbasary men qosymsha baıan­damashynyń sózderin tyńdap, zań jobasyna qoldaý bildirdi. JUMYS BABYNDAǴY JÚZDESÝ Qazaqstan Respýblıkasy Par­lamentiniń Senaty men Reseı Fe­derasııasy Federaldyq Jınalysy Federasııa Keńesi arasyndaǵy yntymaqtastyq jónindegi parla­menttik toptyń úshinshi otyrysy usynystaryn júzege asyrý máse­leleri parlamenttik toptyń teń- tóra­ǵalary Aqan Bıjanov pen Vla­dımır Babıchevtiń Máskeýde ótken jumys babyndaǵy kezdesýin­de talqylandy, dep habarlady Senattyń baspasóz qyzmeti. О́tken jyldyń qazan aıynda Máskeý qalasynda ótken úshinshi otyrysta shekara mańy yntymaq­tastyǵyn zańnamalyq qamtamasyz etý jumysynyń jaı-kúıi jáne ony damytýdyń keleshegi, saýda-ekonomıkalyq jáne gýmanıtarlyq salalardyń normatıvtik-quqyqtyq bazasyn jetildirý máseleleri qarastyrylǵan bolatyn. Kezdesý barysynda, sonymen birge, aldaǵy tórtinshi otyrystyń kún tártibindegi máseleler talqy­landy. Qazaqstan halqy Assam­bleıa­synyń jumysyn zańnamalyq qamtamasyz etý tájirıbesi, sondaı-aq bilim berý jáne ǵylymı-tehnologııalyq salalardaǵy qarym-qatynastyń jaı-kúıi men keleshegi, kásibı-tehnıkalyq bilim berýdiń jaǵdaıyna qatysty máseleler depýtattar nazaryna usynylatyn boldy. Yntymaqtastyq jónindegi parlamenttik toptyń qazaqstandyq jaǵynyń teńtóraǵasy, Áleýmettik-mádenı damý komıtetiniń tóraǵasy A.Bıjanovyń pikirinshe, eki mem­lekettiń parlamentteri arasyn­daǵy syndarly qarym-qatynastyń joǵary deńgeıi eki jaqty ynty­maqtastyqty odan ári nyǵaıtýǵa yqpal etetin bolady. Sol kúni UQShU-ǵa múshe mem­leketter delegasııalar basshyla­rynyń kezdesýi boldy. Halyqara­lyq uıymnyń bolashaqtaǵy jumy­sy, onyń Parlamenttik Assamb­leıasy Keńesiniń aldaǵy otyrysy úshin qujattar ázirleýge qatysty máselelerdi talqylaýǵa UQShU-nyń Parlamenttik Assam­bleıa­synyń saıası máseleler jáne halyqaralyq yntymaqtastyq jónindegi turaqty komıssııasynyń tóraǵasy retinde A.Bıjanov qatysty. TABYSTYLYQQA TILEKTESTIK Parlament Senatynyń Halyq­aralyq qatynastar, qorǵanys jáne qaýipsizdik komıtetiniń tóraǵasy Qýanysh Sultanov Belgııa Ko­­roldiginiń Qazaqstan Respýblıka­syndaǵy Tótenshe jáne ókiletti el­shisi Danıel Bertranmen kezdesti. Taraptar Qazaqstan-Belgııa qatynastarynyń tabysty damyp kele jatqanyn atap óte kelip, Bel­­­­gııanyń Murager bekzadasy Fılıpp bastaǵan iri bıznes-delegasııasynyń ústimizdegi jylǵy kúzge belgilengen Qazaqstanǵa sapary kóptarapty yntymaqtastyq úshin jańa múmkin­dikter ashatynyn atap ótti. Q.Sultanov parlamentaralyq baılanystar men halyqaralyq yntymaqtastyqty damytý jáne nyǵaıtý jónindegi ózi basqaratyn komıtettiń jumysy týraly áńgi­meledi. Ol D.Bertrannyń Qazaq­standaǵy dıplomatııalyq mıssııa­nyń basshysy retindegi qyzmeti ózara senimdi odan ári nyǵaıtýǵa, eki el arasyndaǵy qatynastardy damytýǵa járdemdesetinin atap óte kelip, osy qyzmette tabysty bolýǵa tilektestigin bildirdi. Danıel Bertran óz kezeginde kóptegen halyqaralyq máselelerde, olardy sheshýdegi Qazaqstan men Belgııanyń uqsastyqtaryn aıta kelip, Qazaqstannyń EQYU-ǵa tóraǵalyq etýi jemisti bolaryna senim bildirdi. QARTALY JOLY QARJYLANDYRYLATYN BOLDY О́tken jyldyń aıaǵynda Májilis depýtaty Baǵıla Baımaǵanbetova Premer-Mınıstr Kárim Másimovtiń atyna saýal joldap, “Tobyl-Qartaly” temir jol baǵytyn Úkimettiń 2004 jylǵy 11 qarashadaǵy “Áleýmettik mańyzy bar oblysaralyq qatynastar” atty qaýlysynda kórsetilgen tizilimge engizýdi ótingen edi. Onyń mánisi tómendegideı: 2009 jyldyń 21 mamyrynda Reseı Fede­ra­sııasynyń úkimet basshysy V.Pýtın Astanaǵa resmı saparmen kelgende eki el­diń arasynda 1996 jyldyń 18 qazanynda jasal­ǵan “Temir jol kóligindegi kásip­oryn­dardyń is-áreketterin quqyqtyq jol­men retteýdiń erekshelikteri” atty elara­lyq keli­simge óz­geris engizilip, “Tobyl-Chetalok” baǵy­­ty Qa­zaq­­stanǵa qaratylyp, “Qazaqstan temir jo­ly” Ulttyq kompa­nııasynyń bas­qarýyna berilgen edi. Joǵaryda aıtylǵan “Tobyl-Qartaly” qatynasy osy baǵyttyń bir úzigi. Ondaǵy tasymal jumystaryn Qazaqstan temir jolynyń “Qalamańy tasymaly” AQ atqarady. Endi osy úziktegi jolǵa qyzmet etý úshin “Qalamańy tasymaly” AQ attaný stan­sa­syna baılanysty (Tobyl nemese Qostanaı) 53 nemese 95 mln. teńge sýbsıdııa bólinýi kerek-tin. Biraq bul úzik joǵaryda depýtat kórsetken tizilimge engizilmegendikten, sýbsıdııa bólinbeı otyr. Depýtattyń tizi­limge engizýdi ótinip otyrǵan sebebi sol. Sondaı-aq bul saýalǵa depýtattar V.Vısh­nıchenko, A.Tursynov jáne O.Kıkolenkolar da qol qoıǵan bolatyn. О́ziniń jaýabynda Úkimet basshysy Kárim Másimov kóterilgen máseleniń oryndy ekenin aıta kelip, atalmysh jol úzigi áleýmettik mańyzy bar qatynastar tizilimine engizilgenin habarlaıdy jáne 2011-2012 jyldarǵa arnal­ǵan respýbl­ıkalyq bıýdjettiń shyǵys­tary dálden­gende, atalmysh baǵyttyń shy­ǵyn­daryn óteý qarastyrylatynyn da jetkizipti. Daıyndaǵan  Jaqsybaı SAMRAT. BITER ISTIŃ BASYNA JAQSY KELER QASYNA Shalǵaıda jatqan aýyl-selo turǵynda­ryna kúrdeli medısınalyq operasııalardy jasatý ońaıǵa túspeıdi. Onyń ishinde ata-ana úshin baýyr eti – balasynyń qınalǵa­nyn kórip, oǵan qajetti kómekti bere almaý azaptyń azaby. Mine, osylaısha pushaıman bolyp júrgenimizde janymyzǵa medeý, ıyǵymyzǵa súıeý bir azamat taptyq. Ol –  Parlament Májilisiniń depýtaty Daýylbaı Qusaıynov. Alla jar bolyp, Daýylbaı Meıramuly­nyń kómegimen balamdy Almatyǵa aparyp, kózine operasııa jasattyq. Shúkirshilik, ope­ra­sııa sátti ótip, balam aman-esen qatar­­ǵa qosyldy. Ana úshin munan artyq baqyt bar ma?! Qınalyp, qamyǵyp júrgenimde osy qýanyshty kúnge jetemin dep oılappyn ba. Sol sebepten analyq júregimmen alǵy­symdy aıtyp, biz úshin “shıelengen túıindi, shımaı­lanǵan qıyndy” sheshken sizdiń azamatty­ǵyńyzǵa basymdy ıemin. Sizdeı azamattyń amandyǵyn tileımin. Elińiz eler eńbegińiz, tolaıym tabystaryńyz kóp bolsyn. Lázzat TAǴAEVA, Qaraǵandy oblysy. MÁSELEMDI OŃ ShEShIP BERDI “Adamnyń basy – Allanyń doby”  demeı me, 2008 jyldyń sáýir aıy men 2009 jyldyń mamyr aıyna deıingi kezeń men úshin óte aýyr ýaqyt boldy. Basyma túsken qıyn jaǵdaıda bilimdi de bilikti zańgerdiń kómegin qajetsindim. Qınalǵannan Parlament Máji­lisiniń depýtaty Nurtaı Sabılıanovtan kó­mek suradym. Nurtaı Salıhuly bolsa, sózge kelmesten meniń máselem­di sheship berdi. Men buǵan deıin de ol kisige halyqqa jany ashıtyn adal azamat dep syrttan  súısinip júrýshi edim. Kóńilim aldamapty. Endi qysylǵanda kómek qolyn sozǵan azamatqa analyq alǵysymdy jetkizip, osyndaı azamattar elimizde kóp bolsa eken degen tilegimdi aıtqym keledi. Roza ISPAEVA, zeınetker ustaz. Shyǵys Qazaqstan oblysy.