Múshe elderdegi jastar máselesi de ortaq

Jıynda 2016 jylǵy jumys josparynyń qorytyndylary men 2017-2018 jyldarǵa arnalǵan jumys jospary talqylandy. Oǵan Qazaqstan, Reseı, Qytaı, Qyrǵyzstan, Tá­jik­s­tan, Belarýs, Pákistan jáne Úndis­tan elderiniń ókilderi qatysty. Bul forým eli­miz­diń Shanhaı yntymaqtastyq uıymyna tó­ra­ǵalyǵy aıasynda ótti.

Jıynda Din isteri jáne azamattyq qoǵam mı­nıstri Nurlan Ermekbaev bul forýmnyń jas­tarǵa túrli salada yntymaqtastyq orna­týy men tájirıbe almasýyna septigin tı­gi­ze­tinin málimdedi. Ol, sondaı-aq, ekstremızm má­se­lesin qozǵap, onyń aldyn alý joldaryn da usyndy.

– Bul otyrystaǵy máseleler ShYU sam­mı­ti­niń taqyryptaryna saı keledi. In­ves­tısııalyq, ekonomıkalyq, gýma­nı­tar­lyq bilim berý, ǵylym salalaryndaǵy kókeıkesti máseleler qamtylyp otyr. Forým barysynda usynylatyn ıdeıalaryńyz aradaǵy ózara baılanysty nyǵaıtyp, jastar saıasatynda jańa mehanızmderdiń jasalýyna múmkindik beredi. Sonymen qatar, jastardy jumyldyryp, ekstremızmge jol bermeý isi de nazarǵa alynýy tıis. Ásirese, lań­kestik uıymdar jastardyń sanasyn ý­lap, qatarlaryna qosyp alýǵa tyrysady. Son­dyq­tan, osy máselede kásipkerler, bel­sen­di­ler, sport janashyrlary arnaıy shara­lar, jobalar uıymdastyryp, jumyssyz qo­ǵamda óz ornyn taba almaı júrgen jas bý­ynǵa septigin tıgizse, nur ústine nur bolar edi, – dedi Nurlan Ermekbaev.

Basqosýdyń basty maqsattarynyń biri – ShYU-ǵa múshe elderdiń jastarymen tyǵyz baılanys ornatý. Aıta keterligi, 2015 jyldyń shilde aıynda uıymǵa Úndistan men Pákistan elderin qabyldaý rásimi qolǵa alynǵan bolatyn. Sharaǵa qatysqan Qytaı delegasııasynyń basshysy Szıa Bo Pákistan men Úndistan múshe bolǵannan keıin Eýrazııa keńistiginde týrızm, sport, t.b. salalarda yn­tymaqtastyq ornatýǵa múmkindik kóbirek bolatynyn alǵa tartty. Ol, sondaı-aq, 2017-2018 jyldarǵa arnalǵan tıimdi joba qu­­rylatynyna senim bildirdi.

Pákistan Islam Respýblıkasy dele­ga­sııasynyń basshysy Kıran Akbar uıymǵa mú­she elderdiń jastarymen tyǵyz qarym-qa­tynas ornatý úshin pikirtalas alańyn usy­nýǵa daıyn ekendikterin málimdedi. Sonymen qa­tar, ol óz eli ekonomıka salasynyń tu­raq­ty damýyna erekshe qyzyǵýshylyq tanytyp otyr­ǵanyn aıta kelip, mádenı baılanystardy da nyǵaıtýǵa nıetti ekenin jetkizdi.

– Qysqa ǵana ýaqyt ishinde birneshe salada tájirıbe almastyq, kóptegen jobalardy júzege asyrdyq. Túrli uıymdardyń basshylary jyly lebizderin bildirip jatty. ShYU mádenı-gýmanıtarlyq yntymaqtastyqqa basa mán berip keledi. Sondyqtan, osy baǵyttyń qarqyn alyp, odan ári nyǵaıa túsýine nazar aýdarýymyz kerek. Uıymǵa múshe elderdiń jastary arasynda mobıldik qa­biletterin arttyrýyna kómek berýimiz qajet. Osy maqsatta arnaıy joba quryp, so­ny iske asyrsaq degen usynysymyz bar, – dedi Reseı delegasııasynyń basshysy Denıs Kravchenko.

Aıta keteıik, ShYU Jastar keńesi 2009 jyly qurylyp, búginge deıin eleýli jumystar atqaryp keledi. Keńestiń bir ereksheligi – qandaı máseleni de tek konsensýs arqyly ǵana sheshý. Iаǵnı, uıymǵa múshe elder óskeleń urpaqqa paıdasy tıetin jańa baǵyttardy birge talqylap, biraýyzdan sheshim shyǵarady.

Aıan ÁBDÝÁLI, «Egemen Qazaqstan»