Q.Toqaev Majarstannyń «EKSPO-2017» halyqaralyq kórmesine qatysqany úshin rızashylyǵyn jetkizdi jáne «jasyl tehnologııalar» salasynda eldiń tájirıbesi kórmeniń tabysty ótýine mańyzdy úles qosatynyna senim bildirdi.
Senat spıkeri eki memlekettiń zań shyǵarýshy organdary arasyndaǵy yntymaqtastyqtyń joǵary deńgeıde ekenin atap ótti jáne aldaǵy ýaqytta da parlamentaralyq baılanystardy keńeıte túsýge úndedi. Kezdesý barysynda saýda-ekonomıkalyq jáne gýmanıtarlyq baılanystardy damytý jaıy, sondaı-aq, halyqaralyq kún tártiptegi ózekti máseleler talqylandy. Sol kúni, Qasym-Jomart Toqaev Túrkitildes memleketter yntymaqtastyq keńesiniń bas hatshysy Ramıl Gasanovty qabyldady.
Spıker ulttyq sport pen jastar aýmaǵyndaǵy yntymaqtastyqqa arnalǵan Túrkitildes memleketter yntymaqtastyǵy keńesiniń altynshy sammıtine daıyndyq týraly habardar boldy. Jýyrda ótetin Túrki tildes elder basshylarynyń kezdesýi baýyrlas elder arasyndaǵy yntymaqtastyqty tereńdetýge serpin beretinine taraptar senim bildirdi.
Q.Toqaev R. Gasanovqa Túrki keńesiniń Bas hatshysy retinde belsendi jumys atqarǵany úshin alǵysyn bildirdi. Keńestiń kelesi Bas hatshysy etip qazaqstandyq ókildi saılaý josparlanǵan.