Úkimettiń keńeıtilgen otyrysynda Prezıdent Qasym-Jomart Toqaev eldegi arnaıy ekonomıkalyq aımaqtardyń tıimdiligi áli kúnge deıin tómen ekenin synǵa aldy, dep jazady Egemen.kz.
«Men Joldaýda arnaıy ekonomıkalyq aımaqtardyń áleýetin tolyq paıdalaný qajettigi týraly aıttym. Qytaıda jáne Vetnamda mundaı aımaqtar ekonomıkanyń qozǵaýshy kúshi sanalady. Al bizdiń eldegi arnaıy ekonomıkalyq aımaqtardyń tıimdiligi áli kúnge deıin tómen. Bul mekemeler ekonomıkanyń qurylymyn ózgertýge qaýqarsyz.
Shırek ǵasyrǵa jýyq ýaqyttan beri arnaıy ekonomıkalyq aımaqtardyń ishki jalpy ónimge qosqan úlesi 1 paıyzdan sál ǵana asady. Onyń 0,3 paıyzy – eksportqa, 0,9 paıyzy – shetel ınvestısııasyna tıesili. Arnaıy ekonomıkalyq aımaqtardyń qazirgi jumys tásili múlde jaramsyz deýge bolady. Olar ınvestısııa tartatyn alań bolýǵa tıis. Jańa normalar, quraldar, servıstik sheshimder sol jerde synaqtan ótip, odan ári keń taralýy qajet», dedi Prezıdent.
Prezıdent Úkimetke jyl sońyna deıin Áleýmettik medısınalyq saqtandyrý qorynyń jumysyn tolyq sıfrlandyrýdy tapsyrdy
Memleket basshysy óz sózinde Úkimetke úsh aıdyń ishinde arnaıy ekonomıkalyq aımaqtardy damytýdyń jańa úlgisin bekitýdi tapsyrdy.
Ulttyq mamandyqtar transformasııasy ortalyǵy qurylady
«Arnaıy ekonomıkalyq aımaqtardyń qazirgi ınfraqurylymyn damytýǵa úsh jyl ishinde bir trıllıon teńge zaım qarajatyn jumsaý usynylyp otyr. Aldymen olardyń damý modelin qaıta qurý kerek dep sanaımyn. Onsyz mundaı aýqymdy ınvestısııa júıedegi qordalanǵan máselelerdi sheshe almaıdy. Túptep kelgende, eger naqty nátıjege jetemin degen nıet bolsa, bul máseleni Túrkistan oblysynyń burynǵy ákimi Darhan Satybaldy sııaqty qolda bar qarjymen de sheshýge bolady. Astanada da jaqsy tájirıbe bar. Úkimet úsh aıdyń ishinde arnaıy ekonomıkalyq aımaqtardy damytýdyń jańa úlgisin bekitýi kerek», dedi Qasym-Jomart Toqaev.
Ulttyq antıfrod-ortalyǵy 90 myń azamatty alaıaqtardyń arbaýynan saqtap qaldy