Memleket basshysy Úkimettiń keńeıtilgen otyrysynda sóılegen sózinde medısına salasyndaǵy bıýdjet qarjysyn jymqyrý máselesine toqtaldy, dep habarlaıdy Egemen.kz.
Prezıdenttiń aıtýynsha densaýlyq saqtaý salasynda jeke-jeke jumys isteıtin 30-dan astam aqparattyq júıeni bir-birine tolyqqandy baılanystyrmaýdyń saldarynan bıýdjet qarjysyn jymqyrý áreketteri júzege asyrylǵan.
Toqaev: Dúnıe júzindegi ekonomıkalyq ahýalǵa qaramastan, byltyr ekonomıkamyz 6,5%-ǵa ósti
«Salalyq mınıstrlerdiń kóz aldynda buryn-sońdy bolmaǵan aýqymdaǵy alaıaqtyq ister jasalǵany tańǵaldyrady. Onyń ústine bul áleýmettik salada oryn alyp jatyr. Bas prokýratýra men basqa da ókiletti organdar qylmystyń qashan jasalǵanyna, ony kimderdiń jasyrǵanyna qaramastan, isti egjeı-tegjeıli tekserip, aqıqatty anyqtaýǵa mindetti. Tergeý prosesin óz baqylaýymda ustaımyn.
Úkimetke 1 jeltoqsanǵa deıin Biryńǵaı memlekettik medısınalyq aqparattyq júıe qurý jumysyn aıaqtaýdy tapsyramyn. Bul barlyq úderiske baqylaý jasap, basynan aıaǵyna deıin qadaǵalap otyratyn júıe bolýǵa tıis.
Memleket basshysy mindetti áleýmettik medısınalyq saqtandyrý júıesiniń de barynsha ashyq bolýyn qamtamasyz etý kerektigin atap ótti.
«Áleýmettik medısınalyq saqtandyrý qorynda jalǵan qujat toltyryp, derekterdi burmalaıtyn qıturqy joldar bar ekeni anyqtaldy. Men Ulttyq quryltaıdyń otyrysynda osy máselege arnaıy toqtaldym. Taǵy da aıtamyn. Bas prokýratýra jáne tıisti quqyq qorǵaý mekemeleri barlyq jymqyrý áreketterine qatysy bar adamdardy zań turǵysynan jaýapqa tartýy qajet.
Bilim salasynda da neshe túrli alaıaqtyq áreketter bar bolyp shyqty. Zańdy buzǵan azamattardy mindetti túrde jazaǵa tartý kerek. Úkimetke jyl sońyna deıin Qordyń jumysyn tolyq sıfrlandyrýdy tapsyramyn. Sonda ǵana jumys ashyq júrgiziledi, al qarjy tıimdi jumsalady», dedi Memleket basshysy.
Prezıdent: Aımaqtar ekonomıkasynda sheshimin tappaǵan máseleler áli de bar