О́skemen qalasynyń qylmystyq ister jónindegi mamandandyrylǵan aýdanaralyq sotynda Shyǵys Qazaqstan oblys ortalyǵynyń áýejaıyn 20 jylǵa jýyq basqarǵan Nıkolaı Korolenkoǵa qatysty is qaralyp, úkim shyǵaryldy.
Ol QR QK-niń 361-baby 4-bóligi 3-tarmaǵy (qyzmettik ókilettikterin teris paıdalaný) jáne 189-baby 4-bóligi 2-tarmaǵy (senip tapsyrylǵan múlikti asa iri mólsherde jymqyrý) boıynsha aıyptalyp, sot aldynda jaýap berdi. Bastapqyda oǵan sybaılas jemqorlyq sıpatyndaǵy aıyptar taǵylǵanymen, sot talqylaýy barysynda memlekettik aıyptaýshy bul aıyptardan bas tartty.
Úkimmen qatar ShQO ákimdigine joldanǵan jeke qaýly shyǵarylyp, onda kásiporynnyń qaýipsizdik júıesi men qarjylyq baqylaý salasynda oryn alǵan eleýli olqylyqtar kórsetilgen.
Aram aqshaǵa qunyqqan alaıaq alty jylǵa sottaldy
Sot áýejaıdyń burynǵy prezıdentin kináli dep tanyp, 8 jylǵa bas bostandyǵynan aıyrý jazasyn taǵaıyndady. Budan bólek, ol memleketke 120 mln teńge kóleminde shyǵyndy óteýge mindetteldi. Sot úkimi jarııalanǵannan keıin ol qamaýǵa alyndy. Úkim zańdy kúshine engen.
Kólik júrgizý quqyǵy joq azamat bótenniń avtokóligin aıdap ketkeni úshin sottaldy