Eldegi ahýal týraly Tótenshe jaǵdaılar, Ekologııa jáne tabıǵı resýrstar, Sıfrlyq damý, Sý resýrstary jáne ırrıgasııa, sondaı-aq Kólik mınıstrlikteri baıandama jasady.
«Qazgıdromet» RMK málimetinshe, naýryz aıy jyly ári jaýyn-shashyndy bolady dep kútilýde. Eldiń basym bóliginde aýa temperatýrasy men jaýyn-shashyn mólsheri klımattyq normadan joǵary boljanyp otyr.
Sáýir aıy da jyly bolady dep kútiledi. Batys óńirlerde, sondaı-aq eldiń ońtústigi men ońtústik-shyǵysyndaǵy taýly jáne taý bókterindegi aýdandarda jaýyn-shashyn mólsheri normadan joǵary bolýy múmkin.
Boljamdy eskere otyryp, sý tasqyny qaýpiniń deńgeıi boıynsha óńirler aıqyndaldy:
Qaýip deńgeıi joǵary:
Aqmola, Soltústik Qazaqstan, Qaraǵandy, Shyǵys Qazaqstan oblystary jáne Abaı oblysy.
Qaýip deńgeıi ortasha:
Qostanaı, Batys Qazaqstan, Aqtóbe, Pavlodar, Túrkistan, Almaty oblystary, sondaı-aq Ulytaý jáne Jetisý oblystary.
Qaýip deńgeıi tómen:
Atyraý, Mańǵystaý, Qyzylorda jáne Jambyl oblystary.
Tasqyn aqparattyq júıesinde sý tasqyny jaǵdaıyn modeldeý nátıjesinde, «Qazgıdromet» RMK, Sý resýrstary jáne ırrıgasııa mınıstrligi jáne Talsim-NG júıesiniń derekteri negizinde 34 eldi meken yqtımal qaýip aımaǵyna engizildi (8 – Aqmola oblysynda, 1 – Abaı oblysynda, 8 – Soltústik Qazaqstan oblysynda, 2 – Qaraǵandy oblysynda, 2 – Aqtóbe oblysynda, 13 – Batys Qazaqstan oblysynda).
Tasqyn júıesine 98 gıdrologııalyq beket boıynsha qysqa jáne uzaq merzimdi boljamdar kelip túsedi. Talsim-NG esepteýleriniń nátıjesinde 72 vırtýaldy gıdrobeket boıynsha sý shyǵynynyń boljamdary qalyptastyryldy. Modeldeý Esil, Nura, Jaıyq, Syrdarııa, Shý, Talas, Tobyl jáne Ertis ózenderiniń basseınderinde júrgizilýde.
Premer-mınıstrdiń orynbasary Qanat Bozymbaev avtomobıl jáne temirjol joldarynyń sý ótkizý qabiletin arttyrý jónindegi sharalar týraly esepterdi tyńdady. Búgingi kúni 582 sý ótkizý qubyry salyndy, avtojoldardy rekonstrýksııalaý barysynda 63 kópir turǵyzyldy. Shyǵys Qazaqstan jáne Qostanaı oblystarynda bes apatty kópirge kúrdeli jóndeý júrgizildi.
Sonymen qatar vıse-premerge sý tasqyny qaýpi bar óńirlerge jasalǵan issaparlardyń nátıjeleri jáne azamattyq qorǵaý kúshteriniń áreket etýge daıyndyǵy týraly baıandaldy. Tótenshe jaǵdaılardy joıý úshin sany 39 myńnan astam adam quraıtyn respýblıkalyq jáne óńirlik kúshter men quraldar toptastyryldy. Olardyń qaramaǵynda 12 myńnan astam tehnıka, 4 myńnan astam sý sorý quraly jáne 700-ge jýyq júzý quraly bar.
«Kóktem-2026»: Shymkentte sý tasqynynyń aldyn alý sharalary kúsheıtildi
1 naýryzdan bastap TJM Jedel shtaby táýlik boıy jumys isteýde. Gıdrologııalyq jaǵdaı men sý tasqyny qaýpi bar aýmaqtardyń jaı-kúıine turaqty monıtorıng júrgizilýde.
Soltústik óńirler sý tasqynyna qalaı qamdanyp jatyr?