Qalaishilik jol júrý qunynyń tolyq tarıfi 55 teńge bolyp bekitilgeli de biraz jyldar ótti. Qarapaıym halyq úshin qoljetimdi baǵa bolyp sanalatyn bul tarıf endi birer kúnnen soń kúshin joıady. Endi aǵymdaǵy jyldyń 8 shildesinen bastap Taraz qalasynda jolaqy baǵasy 10 teńgege kóteriletin boldy.
Taraz qalalyq ákimdiginiń habarlaýynsha, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblıkasynyń 2001 jylǵy 23 qańtardaǵy Zańynyń 31, 37 baptaryna jáne «Avtomobıl kóligi týraly» Qazaqstan Respýblıkasynyń 2003 jylǵy 4 shildedegi Zańynyń 19-babyna sáıkes, Taraz qalasyndaǵy jolaýshylar men bagajdy avtomobılmen turaqty tasymaldaýda jol júrý tarıfi barlyq jolaýshylar úshin 65 teńge bolyp bekitildi. Sondaı-aq, 1 jáne 11 synyp aralyǵyndaǵy mektep oqýshylary úshin jol júrý quny 30 teńge, al mektep oqýshylarynyń aılyq biryńǵaı júrý bıleti 1000 teńge bolyp bekitildi.
Hamıt Esaman,
«Egemen Qazaqstan»
Jambyl oblysy