Basylym basshysy Darhan Qydyráli atap ótkendeı, bul kitap qalam ustaǵan qadirli qaýymnyń kásibı merekesine el gazetiniń jasaǵan tartýy boldy. Bıyl 85 jasqa tolatyn Sheraǵanyń «Namys naızaǵaıyna» 1990-2010 jyldary «Egemende» jaryq kórgen, biraq basqa jınaqtarǵa kirmegen maqalalary men oı-tolǵamdary enip otyr.
Jıynda sóz alǵan Májilis depýtaty Saýytbek Abdrahmanov Sherhan Murtazanyń «Stalınge hat» pesasy boıynsha Raıymbek Seıtmetovtiń Almatydaǵy Jastar teatryna spektakl qoıǵanyn, atalǵan qoıylymǵa qatysqan sol kezdegi respýblıkanyń birinshi hatshysy Kolbınniń sálden soń sahnadaǵy Stalınniń óz zamanyndaǵy Gorbachev, Goloshekınniń ózi ekenin túsinip túnerip sala bergenin, tipti, shymyldyqtyń jabylýyn kútpeı, teatrdan shyqqanyn eske aldy. Ortalyq Komıtette sektor meńgerýshisi bolyp qyzmet etken jyldarynda Sheraǵanyń «Sosıalıstik Qazaqstanǵa», odan soń «Qazaq televızııasyna» basshylyqqa barǵanyn, bir de bir telehabar jasaýǵa qatyspaǵanyn alǵa tartyp, televızııadaǵy jumystan bas tartqan Sh.Murtazanyń qaı jerde qalyń jaý bolsa, maıdannyń sol tusyna jiberiletin Jýkovtiń rólin atqarǵanyn, qazaq baspasóziniń uly redaktory ekenin, qalamgerdiń jazǵandaryn qaıta kóshirip jazǵan jan onyń sóz qurylymynyń sulý stılin túsinetinin erekshe atap ótti.
Al Memlekettik syılyqtyń laýreaty, jazýshy Tólen Ábdik Sh.Murtazanyń totalıtarlyq tar kezeńde de ultqa qyzmet ete bilgenin aıtty.
– Sherhan dáýiri «Lenınshil jasta» qyzmet etken kezde-aq bastalǵan-dy. Sol kezde bizdiń qatarlas qalamdastarymyzdyń kóbi «Sherhannyń shekpeninen shyqtyq» degendi aıta bastady. О́zi ıdeıaǵa berilgen, qyzmetten túsip qalsa da qorǵaýǵa daıar minezi úshin bári, ásirese, jastar jaǵy jaqsy kóretin. Shákeń jastarǵa óte muqııat qaraıtyn. Sol kezde Ábish Kekilbaevtan bastap, Muhtar Shahanovqa deıin «Lenınshil jas» gazeti arqyly tanymal boldy. Ol qazaqtyń ádebıetine eki qalamgerdi alyp keldi. Onyń biri Oralhan bolsa, ekinshisi Farıza edi. Ekeýiniń ádebıetten qanshalyqty oryn alǵanyn ózderińiz bilesizder, dedi jazýshy.
Sonymen birge Sh.Murtaza 1974 jyly «Jalyn» jýrnalynyń bas redaktory bolǵanynda onyń orynbasary bola júrip, óte eńbekqor, adaldyq, tazalyq, adamgershilik sııaqty qasıetterge baı ekenin baıqaǵanyn, prınsıpshildigi barsha áriptesterine úlgi bolǵanyn jetkizdi. Sondaı-aq T.Ábdik Sheraǵanyń azamat retinde qalyptasýyna aıryqsha yqpal etken eki tulǵany atady. Onyń biri, Báýkeń, Baýyrjan Momyshuly bolsa, ekinshisi О́zbekáli Jánibekov edi, deıdi jazýshy.
Al gazet ardageri Janat Elshibek óziniń 3-kýrsta oqyp júrgen kezinde Sheraǵanyń shapaǵatymen «Lenınshil jas» gazetine qyzmetke alynǵanyn, osy jastar gazetinde shyńdalǵanyn, 20 jyldan keıin «Sosıalıstik Qazaqstanda» bólim meńgerýshisi bolyp júrgeninde taǵy da joly túıiskenin aıta kelip, gazettiń jaýapty hatshysy bolyp istegen jyldary ózi syzǵan maketpen basylǵan kóztanys dúnıelerdiń kitap bolyp jaryq kórgenine qýanatynyn aıtty.
Sonymen birge jıynda belgili qoǵam qaıratkeri Ádil Ahmetov, fılologııa ǵylymdarynyń doktory, professor Namazaly Omashev, L.Gýmılev atyndaǵy EUÝ jýrnalıstıka jáne saıasattaný fakýletiniń dekany Qaırat Saq jazýshynyń jańa jınaǵynyń kópshilik oqyrman jáne baspasóz mamandary, ásirese, joǵary oqý oryndarynyń stýdentteri úshin óte paıdaly kitap bolatynyn ataı kele, osy aýqymdy jumysty qysqa ýaqytta uıymdastyra bilgen basylym basshylyǵyna rızashylyqtaryn jetkizdi.
Aıta ketelik, buǵan deıin «Egemenniń» kitaphanasy» serııasymen kórnekti jazýshy Ábish Kekilbaevtyń «Dáýir daýysy» atty jınaǵy jáne basqa da irgeli jobalar jaryqqa shyqqan bolatyn.