Eńbek qaýipsizdigi «altyn qaǵıdanyń» qatarynda

Jyl saıynǵy dástúrge aınal­ǵan shara bıyl úshinshi márte uıym­dastyryldy. Oǵan «QazMunaıGaz» UK» AQ Dırektorlar keńesi­niń tór­aǵasy Frenk Kýılaars, «QazMunaıGaz» UK» AQ Basqarma tó­r­­a­ǵasy Saýat Myńbaev, «QazMunaıGaz» UK» AQ Dırektorlar keńe­si­­niń músheleri men QMG tobyna ki­re­tin kompanııalardyń birinshi bas­­shy­­lary qatysty. Forýmda «QazMunaıGaz» UK» AQ-nyń kom­panııa­lar tobyndaǵy qaýipsizdik máde­nıetin baǵalaý jáne jetildirý máseleleri talqylandy. Forýmnyń ashylý saltanatynda Dırektorlar keńesiniń tóraǵasy Frenk Kýılaars qatysýshylardy quttyqtap sóz sóıledi. Ol alǵa jyl­jý­dyń eń tıimdi tásili ­kóshbas­shy­lar­dy, kompanııalar toby qyz­met­kerleriniń komandasyn, kásipodaqtar­dy biriktirý ekenin jáne jaraqattaný deńgeıi «nól» bolatyn eń qaýipsiz kompanııa mártebesine umtylý mańyz­dy maqsat ekenin atap ótti.  «Kompanııanyń IRO-ǵa shyǵýǵa daıyndalýyna baılanysty bul jumys erekshe mánge ıe bolyp otyr. Kompanııalar aksııasy batystyq ınvestorlarmen tek qarjylyq kórsetkishtermen ǵana emes, sondaı-aq FAR jáne LTIR kórsetkishteri boıynsha baǵalanady», dedi F.Kýılaars. Mundaǵy FAR degeni ­– ólimmen aıaqtalatyn oqıǵalar koeffısıenti bolsa, LTIR jaraqattaný koeffı­sıentin bildiredi.  Al óz kezeginde Basqarma tóraǵa­sy Saýat Myńbaev QMG enshi­les jáne táýeldi kompanııalary­nyń basshylarynyń jeke jaýap­ker­shiligine erekshe nazar aýdar­dy. Kompanııa saıasatyna sáıkes kásip­oryndardy basqarý úderisi qaýipsizdik máselelerine basym­dyq berýi tıistigin tilge tıek etti. О́n­di­ris­tik personaldy qaýipsiz ju­mys isteýdiń daǵdylaryna úıretý kerek­tigin, qaýipsizdik normalarynyń buzylýy oqıǵalarynyń aldyn alý jáne boldyrmaý úshin ol oqıǵalarǵa taldaý jasaý qajettigin atap ótti. Sondaı-aq, ol sońǵy eki jylda bar­lyq qyzmetkerlerdiń umtylysymen jazataıym oqıǵalar boıynsha esep berý kezinde júıeli sebepterdi anyq­taý jáne tıisti sharalardy qabyl­daý boıynsha jaqsy nátıjelerge qol jetkizilgenin aıtty.  «Biz durys baǵytta kele jatyr­myz. Eńbekti qorǵaý jáne qaýip­siz­dik salasynda aıtarlyqtaı ózge­ris­terge qol jetkizildi», dedi «QazMunaıGaz» UK» AQ basshysy. Son­daı-aq, ol qaýip­sizdik mádenıetin qalyp­tastyrý­da basshynyń róli mańyzdy ekenin atap ótti.  Forým barysynda ádettegideı óz salasynyń bilgir mamandary – «QazMunaıGaz» UK» AQ Eńbek jáne qorshaǵan ortany qorǵaý jó­nin­degi vıse-prezıdenti Vınsent Spınellı, Eńbek jáne qorshaǵan ortany qorǵaý boıynsha qyzmet kórsetý baǵytyndaǵy basshysy Sergeı Daıman, «Zerecon» JShS atqarýshy dırektory Sergeı Lı, Eńbek jáne qorshaǵan ortany qorǵaý departamenti sarapshysy Anton Davıdenko qaýip­sizdiktiń túrli baǵyttary týraly baıandap, aqparattarmen bólisti.  Forýmǵa qatysýshylar jetistik­ter jóninde aıta kelip, keıbir kem­shilikter týraly da sóz qozǵady. Keı­bir kúrmeýi qıyn máseleler­di de tal­qylady. Jaraqattaný jaǵ­­daı­laryna da mysaldar bar. Keleń­siz jaǵdaılardyń kópshiligi qaýip­siz­dik erejelerin saqtamaǵannan bol­ady. Al erejeni buzýdyń basym bóligi erejeni bilmegendikten emes, oǵan «eti úırenip», mán bermeý­den, qaýipsizdik sharalaryna nem­qu­raıly qaraýdan týyndaıdy eken. Sol sebepti basshylar eńbek qaýipsiz­digi máselesine erekshe mán berýi tıis. Árıne, qyzmetkerlerdiń qaýipsiz­digin qamtamasyz etý jáne óndiriste jaraqat alý deńgeıin azaıtý – árbir basshynyń birinshi kezektegi mindeti. Degenmen, qaýipsizdik – bas­shydan bas­tap, qatardaǵy qyzmet­kerdiń quqyǵy men sanaly tańdaýy. Árbir qyzmetker bul jaǵdaıǵa zor jaýapkershilikpen qaraǵany abzal. Munaı-gaz salasynda qaýipti jaǵ­daılar az emes. Bastysy, jarylý qaýpi bar materıaldarmen ju­mys jasaǵanda ujym men tutyný­shylardyń ómiri jáne qaýipsizdigi úshin jaýapkershilikti umytpaǵan jón. О́tken jyly kompanııa «QazMunaıGaz» qaýipsizdiginiń altyn qaǵı­dalaryn» engizdi. Onda jabyq keńistikte, bıiktikte jáne basqa da qıyn talaptarda jumysqa daıyn­dyq, energııa kózderimen ju­mys jasaý kezinde áreket tártibi sııaq­ty óndiristik qyzmettiń barlyq negiz­gi aspektileri qamtylǵan. Birneshe aı boıy kompanııa qyzmetkerleri keńes­shilermen birlese otyryp, nor­matıvterdi, erejeler men rásim­der­di, ıaǵnı tótenshe jaǵdaı áreketteri­niń barlyq qajetti tártibin taldap shyqqan.  О́ndiristegi qaýipsizdik másele­lerine basshylar tarapynan nem­quraı­lylyq bolǵan jerde problema­lar paıda bolady. О́ndiris «koman­dırleri» bul másele boıynsha ózderi jeke úlgi kórsetýi tıis, óndiristik nysandarǵa jıi baryp turý kerek, júıeli negizde kemshilikterdi anyq­taý qajet, olardy retteý boıynsha baǵ­dar­lamalar engizý kerektigin maman­dar osy jıynda basa aıtty.  Forým sońynda ótken jyldyń qorytyndysy boıynsha eńbekti qorǵaý salasynda úzdik nátıjeleri úshin «QazMunaıGaz» enshiles jáne táýeldi kompanııalary Qurmet gramotalarymen marapattaldy. Je­ńimpazdar qaýipsizdik jáne eńbekti qorǵaý, qyzmetkerler sany, eńbekti qorǵaý qyzmetkerleriniń kompanııa qyzmetkerleriniń jalpy sanyna qatysy sııaqty kórsetkishterdi baǵalaýmen anyqtalǵan. Korpora­tıvtik standarttar men bastamalar engizý, eńbek qorǵaý salasynda táýe­kel­­derdi basqarý boıynsha ju­mys, son­daı-aq aldyńǵy qatarly táji­rı­­beni qoldaný sııaqty talaptar es­keril­­gen. Qurmet gramotalaryn «QazMunaıGaz» UK» AQ Basqarma tór­aǵasy Saýat Myńbaev tapsyrdy. Mara­pattalǵandar qatarynda «Mu­naı­telekom» JShS, «Oıl Trans­­port Korporeıshen» JShS, «EmbiMunaıGaz» AQ, «Pavlodar mu­naı-hı­mııa óńdeý zaýyty» AQ, «In­ter­gaz Ortalyq Azııa» AQ kompanııalary bar. 

Dınara BITIKOVA, «Egemen Qazaqstan»