Turǵyn úı qurylysy kólemi boıynsha oblys Astana, Almaty qalalarymen jáne Mańǵystaý oblysymen birge kóshbasshylar qatarynda. Bul týraly Qyzylorda oblysynyń ákimi Qyrymbek Kósherbaev oblystyq máslıhattyń esepti sessııasynda málimdedi.
«Halyqtyń ózderiniń jeke turǵyn úıleriniń kólemi de 74%-ǵa óskenin aıta ketý kerek. Bul jalpy halyqtyń ómir súrý deńgeıiniń artqanyn bildiredi. Bıyl biz «Qyzylorda - Jezqazǵan» trassasynyń boıynda taǵy 150 ga ýchaskeniń túbegeıli josparlaý jobasyn ázirleýdi aıaqtadyq, bul taǵy 1200 otbasynyń óz turǵyn úılerin salýyna múmkindik beredi», - dep atap ótti oblys ákimi.
О́ńir ákimdiginde habarlaǵandaı, nesıege beriletin turǵyn úıdi halyqqa anaǵurlym qoljetimdi etý úshin «Qazaqstannyń turǵyn úı qurylys jınaq banki» AQ-nyń nesıe berý kezindegi bastapqy jarnalaryn 30%-dan 15%-ǵa deıin tómendetý máselesi talqylanýda.
«Halqymyzdyń áleýmettik-osal toptarynyń múddelerin qorǵaý maqsatynda da birqatar sharalar atqarylyp jatyr. «Turǵyn úı qurylys jınaq banki» AQ jaǵdaıdy baqylaýda», - dedi Qyrymbek Kósherbaev.
Bıylǵy jyldyń basynan beri memlekettik qarajat esebinen 980 páterge arnalǵan 19 turǵyn úı paıdalanýǵa berilgen, jyl sońyna deıin barlyǵy 1809 páterge arnalǵan 41 kóp páterli turǵyn úıdi paıdalanýǵa berý josparlanyp otyr, onyń 11-i halyqtyń az qamtamasyz etilgen toptaryna arnalǵan (jalǵa beriletin turǵyn úı).