Myń jasaǵan shahardyń Oqýshylar saraıynyń janynda atalmysh ózenniń qalaǵa kirer tusta gúrildep, bulqynyp jatýy ádemi órnek tapqandaı eken. Buryndary munda aqsaqaldar serýen qursa, endi qalalyq uıymdar bas-kóz bolyp, jazǵy kanıkýlda júrgen oqýshy balalardyń da demalysyn sátti ótkizýine muryndyq bolypty.
Úlken Almaty ózeniniń osy aýmaǵy ózgerip sala bergen. Terek pen qaıyń qulpyryp, oıyn alańdary men átkenshekter kelisti boıaýyn tapqan. О́zen jaǵasynda jyl sanaýymyz boıynsha on eki tas mánisin aıshyqtaıdy. Bıylǵy jyl Taýyq jylynan bastalyp, árbir jyldyń beınesi – óz keıipkeri sýretteledi. Oıyn balasy úshin onyń mánin uǵynýǵa, tastyń tańbalaryn túsinýge taptyrmaıtyn dúnıeler. Tastaǵy tańbalar janýarlar álemin tanystyra túsedi. Jaratylystyń tylsym álemin kóz aldyńa ákeledi. Taý ózeniniń gúrildegen tańǵy saryny alystarǵa ketedi. Balalardyń bal kúlkisi qalanyń mazasyz kólikteriniń shýylynan alys, shalǵyndy qoınaýdan estiledi.Terenkýrdegi tańbaly tastar aıshyqty órnekterimen balalardy tartymdy oılarǵa jeteleıdi.
Saparbaı PARMANQUL, «Egemen Qazaqstan»
ALMATY