Ońtústik Amerıkanyń qaq ortasynda ornalasqan bul memleket tikeleı teńizge shyǵa almaıdy. Alaıda el aýmaǵynan ótetin Parana ózenin óz paıdasyna utymdy paıdalanýda. Munda álemde úlkendigi jaǵynan ekinshi orynda turǵan Itaıpý sý elektr stansasy ornalasqan. Onyń óndiristik qýaty – 14 myń megavatt. Oǵan qosa Iаkıreta jáne Akaraı sý elektr stansalary bar. Osynyń arqasynda Paragvaı energııanyń 99,6 paıyzyn jańǵyrmaly qýat kózderinen alady. Saltanatty rásimge arnaıy kelgen mártebeli meımandar sóz alyp, kórmeniń mán-mańyzyna toqtaldy. «Qazaqstan tarapyna halyqaralyq mańyzdy sharaǵa bizdi shaqyrǵany úshin alǵys aıtamyn. Kórmeniń taqyryby da utymdy tańdalǵan. Búgingi tańda jasyl energııaǵa kóshý jahan úshin jáne halyqaralyq qaýymdastyq úshin ózekti máseleniń biri. Al bizdiń elimiz álemde balamaly qýat kózin óndirý jáne eksporttaý boıynsha kósh basyndaǵylardyń qatarynda. О́tken jyldyń sońynda Brazılııamen aradaǵy Itaıpý sý elektr stansasy saǵatyna 100 mln megavatt qýat óndirgenin maqtanyshpen aıtamyn. Bul – álemdik rekord», dedi Paragvaıdyń syrtqy ister mınıstriniń orynbasary Oskar Kabelo Sarýbbı.
Halyqaralyq EKSPO-2017 kórmesiniń ulttyq sahnasynda Paragvaı memleketi tól merekesin toılady. Dástúrli sharada qos eldiń memlekettik ánurany shyrqalyp, memlekettik týy kóterildi. Paragvaılyq ónerpazdar kórme kórigin qyzdyryp, qonaqtardy án-bıimen tamsandyrdy.