Tegeran Oraldan 1 500 tonna et alady

Aqjaıyq aýdanynyń orta­lyǵyndy orna­las­qan «Batys Marqa Lamb» JShS ókili Raqymjan Smaǵul­uly­nyń aıtýynsha, qazaq­stan­dyq óndiris orny Irandaǵy et ónimi boıynsha eń iri «Sanaıe» kompanııasymen kelisimshart jasasqan.

– Biz Iran eline tuńǵysh ret eksportqa et shyǵaryp otyrmyz. Irandyq áriptesterimizben jasasqan kelisimshart boıynsha aldaǵy bir jyl ishinde 1500 tonna tońazytylǵan qozy etin jetkizýimiz kerek. «Sanaıe» kom­pa­nııasynyń basshylyǵy etti apta­syna úsh ret jóneltýimizdi talap etip otyr. Buǵan biz de teh­nı­kalyq turǵydan daıynbyz, – deı­di Raqymjan Smaǵululy.

Jylyna 5 myń tonnaǵa deıin tońazytylǵan qozy etin daıyndaı alatyn qýaty bar kásiporyn 2015 jyly iske qosylǵan bolatyn. Jalpy quny 2,8 mlrd teńgege baǵalanǵan kásiporynda 1,6 mlrd teńgeniń qural-jab­dyǵy ornatylǵan. Bes gektar aý­maq­ty alyp jatqan óndiristik ke­shende bári de tolyǵymen av­to­mattandyrylǵan. Mal soıý já­ne et óńdeý jelisinde qoı soıýd­an bastap et óńdeýge deıingi jo­ǵary tehnologııalyq talaptar saq­talady. Aýysymyna 1 400 bas qoı soıylady. Daıyn ónim tapsyrys berýshige tońazytylǵan túr­de nemese jiliktelip, qorapqa salynǵan kúıinde jetkiziledi. Munda 3 aıdan 1 jasqa deıingi qozy soıylyp, etin muzda qa­tyr­maı, tońazytyp qana vakýým­dy qap­tamada saqtaıdy. Mundaı tá­silmen saqtalǵan jas et ta­bı­ǵı qundylyǵyn joımaı, óte dámdiligimen tutynýshy tal­ǵamynan shyǵady eken.

Áý bastan-aq óniminiń keminde 70 paıyzyn halyqaralyq na­ryq­qa, shetelge ótkizýge baǵyt­taǵan «Batys Marqa Lamb» kásip­orny búginde etti turaqty túr­de Reseıge jetkizip otyr. Sony­men qatar, Qytaı Halyq Res­pýb­lı­ka­symen uzaqmerzimdi ke­li­sim­sharttar júrgizilip jatyr eken. Ke­lissózder oıdaǵydaı bolsa, qyr­kúıektiń sońyna qa­raı Qy­taı­ǵa da et eksporty bas­tal­maq.

– Qazaqstandaǵy mal eti óte qunarly. Sondyqtan eki el ara­syn­daǵy dostyq baılanysty paı­dalanyp, áriptestik qatynas ornatyp otyrmyz. Alǵashqy ónim jiberildi. Endi aptasyna úsh már­te marqa etin qabyldaýdy jos­parlap otyrmyz. Bul jumys jyl boıyna jalǵasady. Mundaı árip­testik eki jaqqa da tıimdi dep oılaımyz, – deıdi ırandyq kom­pa­nııanyń ókili Hadı Hadadze.

Irandyq komıssııa qura­myn­da kelgen veterınar dáriger men arnaıy ımam mal soıylatyn jerde bolyp, mal soıylǵan kezde musylmandyq sharttardyń saqtalýyn da qadaǵalaýyna alǵan.

– О́tken jyly Iran eline saparymyzda joǵaryda atalǵan ıran­dyq beldi kompanııamen ke­li­simge kelgen bolatynbyz. Árı­ne, buǵan Elbasynyń Iranǵa baryp, sol eldiń basshylyǵymen kezdesýi, sonyń nátıjesinde eki el arasyndaǵy qatynastyń odan ári bekýi sebep boldy. Ekin­shi jaǵynan, bizdegi mal sha­rýa­shylyǵy jaqsy damyǵan. Et ónimderimiz ekologııalyq taza, sapaly. Bizge tek turaqty tu­ty­nýshy kerek edi. Jyl boıy­na aýqymdy jumys atqaryp, en­di alǵashqy ónimdi jóneltip otyr­myz. Bul úlken jumystyń ná­tıjesi. Bul – óńirimizdegi sharýa qojalyqtary úshin úlken múm­kindik. Endi otandyq ónimdi shet­elderge turaqty eksporttaý úshin barlyq tıisti sharalar­dy uıymdastyryp, jan-jaq­ty qoldaý kórsetetin bolamyz, – deı­di Batys Qazaqstan ob­ly­sy­n­yń ákimi Altaı Kólginov.

Qazbek QUTTYMURATULY, «Egemen Qazaqstan»

Batys Qazaqstan oblysy

Sýretterdi túsirgen

Aıbatyr NURASh