Gennadıı Golovkınniń bapkeri Abel Sanches qazaqstandyq boksshynyń kásipqoı bokstan qashan ketetini týraly óz oıyn aıtty, - dep habarlaıdy Vesti.kz boxingnews24.com portalyna silteme jasap.
Sanchestiń aıtýyna qaraǵanda, Golovkın kásipqoı boksta áli birneshe jyl óner kórsetedi. "Golovın qazir 35-te. Meniń oıymsha, ol taǵy 3-4 jyl judyryqtasady", - dedi Sanches.
Qazirgi ýaqytta otandasymyz Big Bear jattyǵý lagerinde "Kaneloǵa" qarsy ótetin kezdesýine daıyndalyp jatyr. Golovkın - "Kanelo" jekpe-jegi 16 qyrkúıek kúni Las-Vegastaǵy (AQSh, Nevada) T-Mobile Arena arenasynda ótedi.
Osyǵan deıin Golovkınniń bapkeri amerıkalyq Djermalla Charlonyń aıtqandaryna, ıaǵnı Golovkınmen sharshy alańda kezdeskisi keletini týraly pikir bildirgen bolatyn. Onyń oıynsha Golovkın Bıllı Djo Sonderspen kezdesken tıimdi, al ázirge bar kúshin Saýl Alvareske jumsaýy tıis.