Byltyr Memleket basshysynyń Jarlyǵymen 2016-2019 jyldarǵa arnalǵan «Densaýlyq» baǵdarlamasy qabyldanǵan bolatyn. Medısına salasyn damytýdy kózdeıtin baǵdarlamanyń júzege asyrý barysy týraly aıtqan vıse-mınıstr baǵdarlamanyń baǵyttaryna toqtaldy.
Baspasóz máslıhatynda dárigerlerdiń qaǵazbastylyǵyn azaıtýǵa baılanysty da suraq qoıyldy. L.Aqtaevanyń aıtýynsha, qolǵa alynǵan jumystardyń nátıjesinde medısınalyq qyzmetkerlerdiń qaptaǵan qaǵazbastylyǵy 30 paıyzǵa qysqarǵan. Ásirese, dárigerlerdiń esep berýi men tirkeý qaǵazdaryn toltyrýy azaıǵan kórinedi. «Biz bıylǵy jyldyń sońyna deıin medısınalyq mekemelerdi aqparattyq júıemen – 50 paıyzǵa, 2018 jyldyń aıaǵyna deıin 100 paıyzǵa deıin qamtamasyz etýdi josparlap otyrmyz. Osylaısha, 2019 jyldyń 1 qańtarynan bastap, medısınalyq uıymdar qaǵazsyz jumys formatyna kóshedi», deıdi L.Aqtaeva.
Vıse-mınıstrdiń aıtýynsha, «Densaýlyq» baǵdarlamasy aıasyndaǵy sharalar Memleket basshysy qoıǵan mindetterdi oryndaýǵa múmkindik beredi. Jospar boıynsha, Qazaqstan 2050 jylǵa qaraı álemdegi eń damyǵan otyz eldiń qataryna qosylýy tıis. Osy oraıda elimizdiń de densaýlyq saqtaý salasy damyp. turǵyndardyń ortasha ómir súrý jasy 80 jasqa deıin uzarmaq.
Qymbat TOQTAMURAT,
«Egemen Qazaqstan»