Astananyń №36 mektebinde oqýshylar arasyndaǵy tóbeles qoǵam nazaryn aýdardy. Al keıbir ata-analar mektep ákimshiliginiń áreketin synap, mektep dırektorynyń jumystan ketýin talap etti. Balalardyń qaýipsizdigi men psıhologııalyq ahýalyna áser etken jaǵdaıǵa ata-analar ashyq narazylyq bildirdi, dep jazady Egemen.kz.
Jelide taraǵan habarlamada ata-analar mektep ákimshiliginiń tóbelesti tolyq jáne obektıvti tergeýdiń ornyna, joǵary synyp oqýshylarynyń telefondaryndaǵy vıdeojazbalardy joıýǵa tyrysqanyn alǵa tartty. Olar bul áreketti basshylyqtyń jaýapsyzdyǵy jáne balalarǵa qysym kórsetýi retinde baǵalady. Ata-analardyń aıtýynsha, oqýshylar mektepte qysym kórgendikten, psıhologııalyq ahýaly nasharlady. Olar mektep dırektoryn óz mindetin durys atqarmaı otyr dep eseptep, qyzmetinen bosatýdy talap etti.
AQSh-ta mektep mańynda atys boldy: Eki adam qaza tapty
Astana bilim basqarmasynyń habarlaýynsha, tóbeleske qatysqan oqýshylar ishki mekteptik esepke qoıylyp, profılaktıkalyq áńgimeler júrgizilgen, sondaı-aq psıhologpen jumys uıymdastyrylǵan. Al mektep basshylyǵyna sógis jarııalanǵan-dy.
Sonymen qatar, ata-analar kámeletke tolmaǵandardy tárbıeleý mindetin durys oryndamaǵany úshin jaýapkershilikke tartyldy, al osy jaǵdaı boıynsha qalalyq polısııa departamentinde qylmystyq is qozǵaldy.
Astanada kópqabatty úıdiń shatyrynan sekirmek bolǵan jasóspirim qutqaryldy