Májilis «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» zańǵa ózgerister men tolyqtyrýlar engizý týraly zań jobasyn birinshi oqylymda maquldady. Jańa zań jobasynda aýyldyq okrýgterdiń bıýdjetin múlik salyǵy men lısenzııalyq alymdar esebinen keńeıtý usynyldy, dep habarlaıdy Egemen.kz.
Zań jobasyndaǵy jańalyqtardyń ishinde kiristerdiń bir bóligin aýyldyq okrýgter deńgeıine berý bar. Buǵan zańdy tulǵalar men jeke kásipkerlerdiń múlik salyǵy, sondaı-aq tirkelgen jeri boıynsha qujat tapsyrǵanǵa nemese ruqsat alǵanǵa deıin tólenetin lısenzııalyq alymdar jatady.Budan bólek, jergilikti mańyzy bar máselelerdi sheshýge azamattardyń qatysýyn keńeıtý, sonyń ishinde aýmaqtyq ózin-ózi basqarýdy damytý sharalary usynylady.
Qazaqstan men О́zbekstan depýtattary birlesken jobalardyń júzege asýyn talqylady
Jańa qujatta máslıhattar qyzmetiniń tıimdiligin arttyrýǵa erekshe nazar aýdarylǵan: depýtattardyń ókilettikteri, jaýapkershilik sharalary men áleýmettik kepildikteri naqtylanady. Atap aıtqanda, máslıhat depýtattarynyń óz saılaý okrýgteriniń turǵyndary aldynda ár jarty jyl saıyn mindetti túrde esep berýin engizý usynylady. Máslıhat otyrystary onlaın rejımde kórsetilip, depýtattyq saýaldar kópshilik aldynda jarııalanady.Zań jobasynda máslıhat apparatynyń basshysyn qyzmetke taǵaıyndaý jáne bosatý tártibi anyqtalyp, onyń ókilettikteri bekitiledi. Máslıhat tóraǵasyn qaıta saılaý múmkindigi eki merzimmen shekteledi.
Halyqtyń senimin aqtaýdan artyq abyroı joq: Memleket basshysy máslıhat depýtattaryna ne dedi?
Sondaı-aq zań jobasy aıasynda aýyl ákimderiniń fýnksıonaldyq mindetteri qaıta qaralady.