Keńeske Prezıdent Ákimshiliginiń Basshysy Á.Jaqsybekov, Joǵarǵy sot tóraǵasy Q.Mámı, Prezıdent Ákimshiligi Basshysynyń orynbasary T.Donaqov, Bas prokýror J.Asanov, Ulttyq qaýipsizdik komıtetiniń tóraǵasy K.Másimov, Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Q.Qojamjarov, Ishki ister mınıstri Q.Qasymov, Ádilet mınıstri M.Beketaev, Qarjy mınıstri B.Sultanov qatysty.
Nursultan Nazarbaev «100 naqty qadam» Ult josparyn iske asyrý aıasynda zańnyń ústemdigin qamtamasyz etýdiń mańyzdylyǵyna nazar aýdaryp, osy baǵytta daıyndyq jumystaryn sapaly júrgizý qajettigin aıtty.
– Biz búgin qylmystyq qýdalaý júıesin jańǵyrtýdyń bazalyq baǵyttaryn jetildirý jónindegi máseleni qarastyryp otyrmyz. Solardyń qatarynda, qylmys prosesinde azamattardy qorǵaý deńgeıin arttyrý, tergeý júrgizý tártibin ońtaılandyrý, qylmys prosesindegi jaryspalylyq, sotqa deıingi satyda sot baqylaýyn odan ári kúsheıtý, qylmystyq qýdalaý, prokýratýra jáne sot organdary arasyndaǵy ókilettikterdiń qaıtalanýyn boldyrmaý jáne olardy naqty bólý, – dedi Elbasy.
Sońynda Qazaqstan Prezıdenti birqatar naqty tapsyrma berdi.