Koreıa pavılonynyń 500 myńynshy qonaǵy «Asian Airlines» áýe kompanııasy usynǵan Koreıaǵa tegin ushyp baryp-kelý avıabıleti túrindegi syılyq alady.
Memleket pavılonynyń uıymdastyrýshysy – Saýda jáne ınvestısııalar agenttigi habarlaǵandaı, 26 tamyz kúni Qazaqstan Prezıdenti Nursultan Nazarbaev Koreıa pavılonyn aralap, eldiń aqyldy energetıkalyq sheshimderimen tanysqan. Bul kúni Elbasymen birge «Astana EKSPO - 2017» ulttyq kompanııasy» AQ basqarma tóraǵasy Ahmetjan Esimov, Astana qalasynyń ákimi Áset Isekeshev, Prezıdent Ákimshiliginiń Basshysy Ádilbek Jaqsybekov jáne basqalar boldy.
Qazaqstan Prezıdentine «Bolashaq energııasy. Aqyldy ómir» basty shoýy qoıyldy. Ol Koreıa tehnologııasyna úlken qyzyǵýshylyq tanytyp, aqyldy planshetterdiń kómegimen kún panelimen, akkýmýlıatormen, sý janarmaıymen júretin avtomobılmen jáne basqa da tehnologııalarmen tanysty.
Koreıa pavılonynyń 400 myńynshy kórermeni Qazı Qaptaǵaev óz suhbatynda: «Koreıa pavılony eń úzdik jáne eń qyzyqty eksponattardy usynǵan. Sondyqtan kezekte ýaqyt ótkizgenim úshin esh ókinbeımin. Bolashaqta Ońtústik Koreıaǵa baryp, ozyq tehnologııalar men el mádenıetin óz kózimmen kórgim keledi», deıdi.